प्रजित साहित्यिक समुह
आयोजित अष्टाक्षरी
विषय - आक्रोश
नको करूस आक्रोश
काय करणार साध्य?
उगा आरडा ओरडा
रहाणार ते असाध्य.
नको करु खंत उगा
तुझा तूच शिल्पकार
हवे प्रयत्न झटूनी
कर जीवन साकार
निशे नंतर सकाळ
येते नित्यची नेमाने
धरा रडते का कधी
संपताच प्रकाशाने
राजे नाही बसलेत
कधी आक्रोश करीत
स्वप्न मनी हिंदवीचे
पूर्ण केलेत त्वरीत
देता जन्म अर्भकास
होतो आक्रोश थोडासा
पण पहाताच बाळ
मिळे तिजला दिलासा
वैशाली वर्तक
अहमदाबाद
दैनंदिनकाव्य लेखन उपक्रम
विषय -- पळसाला पाने तीन
* *परिस्थिती एकच*
परिस्थिती एक असे
हेची दिसे सभोवती
*पळसाला पाने तीन*
जाता कुठे ही जगती
असता स्वभावाने तापट
मग जा कुठेही जगात
रहातो तो तसाच जीवनात
होतो थोडा फार कमी प्रमाणात
समुद्राचे पाणी असे खारट
मग जा शोधत कुठेही जगभर
उगा का म्हणती जन
नका करु विचार त्याचा क्षणभर
कावळा म्हटला की तो काळाच
मग असेना थंड प्रदेशात
बदल नाही घडत कोठेही
कावळ्याच्या काळ्या रंगात
जगण्यास आवश्यक प्राणवायु
मग जाता शिखरावर
सर्व प्राणीमात्रास हवा तोची
जळी स्थळी जगाच्या पाठीवर
मानवाच्या रक्ताचा रंग लाल
तयात नाही बदल जातीभेदात
जगात कुठेही जा शोधण्यास
फरक नाही रक्ताच्या रंगात
वैशाली वर्तक
शब्दांकुर साहित्य समूहउपक्रमासाठी
*धुक्यात हरवली वाट*
*धुक्याची वाट*
आले रवीराज नभी
दूर करीत धुक्याची
सोनसळी शलाकांनी
शाल तलम नभीची
जरी आभा पसरल्या
धुक्यात हरवली वाट
दूरवर दिसत नसे
सकाळचा रम्य थाट
चालत होते दूरवर
वाहे मंद शीतल वात
पक्षी गण पण विसरले
झालेली रम्य पहाट
अशा मंद धुंद समयी
दवबिंदु पानोपानी
गुज सांगती पर्णांना
हळुवार मनोमनी
मधेच हलकी सर
हळुवार पावसाची
हरवलेली वाट दिसे
दूर करिता धुक्याची
वैशाली वर्तक
अहमदाबाद
