सेवापूर्ती

स्पर्धेसाठी 

कमलविश्व राज्यस्तर स्पर्धा साहित्य समूह 

आयोजित मासिक भव्य राज्यस्तरीय काव्य लेखन स्पर्धा 

माहे ऑक्टोबर 2026

31/10/26

विषय ...सेवा पूर्ती

शीर्षक.   तृप्ती आणि विरहाचा क्षण

होऊनिया पदवीधर 

सुरू केले अर्थार्जन 

पहाता पहाता आला

सेवा पूर्ती चा क्षण.

अन्नदाती समजून

 केली सेवा निष्ठेने

व्यवहारी ज्ञानी झाले 

जीवनात कटाक्षाने;

किती वर्षे केली सेवा

त्याची  होई उजळणी 

गप्पांतून मन भरले

जाग्या झाल्या आठवणी

 सूरू झाले गुणगान

उभी रहाता भाषणास

डोळे आता पाणावले

मी नि:शब्द वदण्यास 

अशी जाहली सेवापूर्ती

शेवटचा दिवस आला,

तृप्ती आणि विरहाचा

अनोखा संगम जाहला.

वैशाली वर्तक 

अहमदाबाद 

8141427430

,