सहज झाली नजरा नजर
अन् भरली थेट मनात
सावरली लाडिक बट
भावली तुझी अदा क्षणात
लागले जीवास वेड
सतत तुजला "पाहणे"
होता जरा नजरे आड
शोधिले भेटण्या बहाणे
असे. नजर कटाक्ष
प्रेमाची एक ती भाषा
भाव मनीचे उमजण्या
वसे मनात आशा
करी नजरेने घायाळ
खेळ चालता प्रेम रंगी
उमलती भावना हृदयी
प्रेमिकांच्या अंतरंगी
पहाता सकाळी हरीच्या
नजरेतले प्रेमळ भाव
जातो दिवस सुखाचा
कसा गेला नसे ठाव
वैशाली वर्तक
कोणत्याही टिप्पण्या नाहीत:
टिप्पणी पोस्ट करा