सिध्द साहित्यिक समूह
आयोजित उपक्रम आठोळी लेखन
विषय... माझिया मना जरा बोलना
नको ठेवू मनी किंतू परंतु
माझिया मना जरा बोलना
तव हृदयीचे दडलेले गुज
अलवार मजला सांग ना
स्थान नुरते गैर -समजाला
नित्य रहा स्पष्ट बोलण्यात
नको विचारांचा कधी कोंडमारा
हीच समजूत ठेव मनात
वैशाली वर्तक
अहमदाबाद
जगाचा पोशिंदा साहित्य मंच
आयोजित उपक्रम सहाक्षरी काव्य लेखन
विषय. समजून घ्यावे
शीर्षक सुखमय जीवन
सुखाने जगण्या
हवी तडजोड
होतसे जीवन
आंब्याची फोड
ऐकता दुजांचे
गवसे कल्पना
देत असे आशा
नव्या संकल्पना
़
घ्यावे समजून
उत्तमच ठरे
नसे आपलेच
सदा साठी खरे.
समजून घेता
कळते क्षणात
उगाच धरिला
हट्टची मनात.
मीपणा सोडून
घे ना समजून
सुसंबद्ध वाद
दोघां च्या कडून
माझे तुझे सोड
व्हावे सहमत
व्हा समजदार
होते एकमत
वैशाली वर्तक
अहमदाबाद
8141427430
कोणत्याही टिप्पण्या नाहीत:
टिप्पणी पोस्ट करा