अष्टाक्षरी
सिध्द साहित्यिका समुह
विषय - आले लावण्य भरास
वाटे पहावे दर्पण
निरखून घ्यावे रुप
येता जाता चाळा लागे
बघण्याचे ते स्वरुप
विचारते दर्पणाला
सांग कशी मी दिसते
उगा पदर ढळता
मान वेळावून बघते
चोळी झाली घट्ट सर
आले लावण्य भरास
गाली फुलले गुलाब
छंद जडे नटण्यास
ओढ लागे सांजवेळी
कुणीतरी यावे वाटे
रातराणी बहरता
फूलासंगे हर्ष दाटे
बट लाडिक भाळीची
उगा बोटाने सावरे
वारा खट्याळ तिजला
पुन्हा पुन्हा न आवरे
वैशाली वर्तक
कोणत्याही टिप्पण्या नाहीत:
टिप्पणी पोस्ट करा