रचियता साहित्य मंच
विषया -- चांदण्यांची शाळा
आभाळाच्या गाभा-यात
भरे शाळा चांदण्यांची
वाट पहाती सांजवेळी
अस्त होण्या आदित्याची
येती नेभात लाजून
एक एक हळुवार
लुकलुक करी जणू
दिवे लावी अलवार
कधी नाही गडबड
जागा त्यांची ठरलेली
कोणी कुठे बसायचे
शिस्त सदा पाळलेली
शशी येता नभांगणी
येई शाळेला भरती
फेर धरूनी शशीला
लुकलुक चाले भोवती
येता शरद पूनम
जणू सोहळा सुंदर
दिसे चांदणे टिपूर
शाळा दिसे मनोहर
चांदण्यांच्या या शाळेचे
कळे तेव्हाची महत्त्व
बंद शाळाअवसेला
दावी चांदण्या श्रेठत्व
वैशाली वर्तक
कोणत्याही टिप्पण्या नाहीत:
टिप्पणी पोस्ट करा