मोहरली लेखणी
**घन निळ्या श्रावणात( अष्टाक्षरी)**
सरताच मृग सरी
कृष्ण मेघ अंबरात
होई दाटी ती मेघांची
सरी येती श्रावणात
खेळ ऊन पावसाचा
चाले सदा दिनभर
शोभिवंत इंद्रधनु
मधे दिसे मनोहर
चिंब भिजली अवनी
हिरवळ चोहीकडे
मोह न आवरे मना
वाटे पाहु कुणी कडे
सणवार श्रावणात
आनंदाची उधळण
लेकी बाळी घरी येता
उत्साहाने भरे मन
शिवारात डोले पिक
वाढण्याची तयां घाई
बळीराजा खुश मनीं
आनंदाने गीत गाई
वैशाली वर्तक
कोणत्याही टिप्पण्या नाहीत:
टिप्पणी पोस्ट करा