मना मनातली गुढी

शब्दरजनी साहित्य  समुह आयोजित
भव्य राज्य स्तरीय काव्य स्पर्धा
क्रमांक 1
विषय-  मना मनातील गुढी
अष्टाक्षरी रचना

आला सण पाडव्याचा
येते मनी रामायण
गाणी रामाची म्हणूनी
करु  त्याचे पारायण

बांधू गुढी उंच नभी
कडुनिंब, गाठी गोड
दावू प्रसाद तियेला
करुनिया गोड धोड

ऋतू वसंतात सृष्टी
बहरली सौंदर्याने
निहाळुया रुप तिचे
स्मरू देवाला नेमाने


सारे बांधव भुमीचे
विश्व बंधु भाव मनी
पाळू, धर्म मानवता
 खरे हे , मर्म जीवनी

गुढी बांधू आरोग्याची
घेवू काळजी स्वतःची
टाळू ठिकाण गर्दीची
साथ पळेल दूरची

वैशाली वर्तक....26/3/2020