सहाक्षरी. उन्हाचे चटके. मोठेपण सहज मिळत नाही

रचियता समुह उपक्रम
विषय- उन्हाचे चटके

मोठेपण नाही
मिळत सहज
उन्हाचे चटके
सहणे गरज   

कष्ट करताच
मिळे सदा यश
न येई पदरी
कदा अपयश

तव्याचे चटके
सोसतो चाकर
तेव्हाच आपणा
मिळते भाकर
" 
करा परिश्रम
येते अंगी बळ
कष्टाचे चटके
देती गोड फळ

साहुनी चटके
सोने उजळते
रूपाने खुलता
दुकानी सजते

असा हा महिमा
असे तो कष्टाचा
सांगते वैशाली
आहे तो मोलाचा

वैशाली वर्तक