चित्रकाव्यरामाचे

विषय - चित्र काव्य

धनुर्धारी तू पराक्रमी
नीलवर्णी  शांत  मुख
तव नाम स्मरिता रे
मिळे जगी सर्वची सुख

सूर्यवंशाचा कौसल्या नंदन
सर्व साक्षी पुरुषोत्तम गुरुरुपा
उठता बसता करिते चिंतन
 सुख मिळे दशरथ कुलदीपा

शोभे मस्तकी किरीट सुंदर
गळा शोभती फूल हार
तेजोमय मूर्ती  तव
दशरथाचा  तू  सुकुमार

तत्पर तू   सदा प्रजापालक
 तव राज्य होते  रामराज्य
पतित पावन म्हणती तुजला
  हृदयी स्मरणात ते राज्य

तव कृपा प्रसादाने होई
भवसागरी नौका पार
नाम तुझे घेता अधरी
क्षणात मिळे सुख अपार



वैशाली वर्तक