प्रतिलिपी चे विचार साहित्य अज्ञात वारसदार

आभाळाला स्पर्शताना

#################.

असो आभाळ उत्तुंग
  मन देत असता उभारी.
आशा   मनात  यशाची.
घ्यावी बिनधास्त भरारी.

करा बळ एकवटून यत्न
असता आपण बलवंत
मनच देते वेळोवेळी  ग्वाही
होणार आपण यशवंत

होता अपेक्षा पूर्तता
आभाळाला स्पर्शण्याचा
होईल  मनी आभास
क्षण असेल आनंदाचा

काळाच्या पुढच पाऊल 

###################

घेणे उद्याचा अंदाज
असे गोष्ट योग्यच
जेणे करून जीवन
जगण्या होतो सुसज्ज

जग झालय प्रगतीशील
आयोजन चाले भविष्याचे
जगता वर्तमान  काळात
जेणे करुन जगणं होते आनंदाचे.

काळाच्या पुढच पाऊल
टाकावी लागतात सदा
तहान लागता विहीर खणणे
नसेची  योग्य  कदा

साधी मुंगी  किटक पहा
करत असते काम अविरत
पाऊस पडला तरी त्यांचे
कोठार भरलेलं सदोदित

वैशाली वर्तक

##################

पुस्तका बाहेरील ज्ञान 

खरं आहे ,झालो आपण पदवीधर
पण किती कामास येते ज्ञान जीवनभर

बहिणाबाईंना नव्हते पुस्तकी ज्ञान
पण   ख-या ज्ञानाची दिधली जगाला जाण

आमच्या आजीला नव्हते  ज्ञान पुस्तकी
पण अचूक वेळ सांगायची आम्हा नेमकी

बाळ संस्कार देऊन घडविले जीवनी
षडरिपूं  पासून दूर रहा बिंबविले मनी.

अनुभव पण हे सारे  शिकवे आपणास
अनुभवाचे गाठोडे  येते कामास

###############################

*अज्ञात वारसदार* 

अज्ञात  वारसदार 

संपत्ती मिळते वारसदारा

 पण  आता संपत्ती अपार 

वारसदार बसले परदेशात 

धनाचा नसे मोह थोडाफार 

अशा परिस्थितीत काय 

लाभ घेती अज्ञात वारसदार 

शेवटी देवच नशीबाने 

ज्याचे  भाग्य चमकविणार

काळाच्या पुढच पाऊल

घेणे उद्याचा अंदाज
असे गोष्ट योग्यच
जेणे करून जीवन
जगण्या होतो सुसज्ज

जग झालय प्रगतीशील
आयोजन चाले भविष्याचे
जगता वर्तमान  काळात
जेणे करुन जगणं होते आनंदाचे.

काळाच्या पुढच पाऊल
टाकावी लागतात सदा
तहान लागता विहीर खणणे
नसेची  योग्य  कदा

साधी मुंगी  किटक पहा
करत असते काम अविरत
पाऊस पडला तरी त्यांचे
कोठार भरलेलं सदोदित

वैशाली वर्तक

आशेचा किरण

सिद्ध साहित्य‌‌‌क समूह आयोजित 

उपक्रम 

विषय ..आशेचा किरण 

 कधी मनी नकोची  खंत

संभ्रम मनात अपयशाचा

असावे सदैव आशावादी 

 किरण आशेचा दावी पथ यशाचा.

असावे विचार सकारात्मक 

  सदा हवाआत्मविश्वास

घेतले काम होणारच पूर्ण 

आशेचे किरण करी पूर्ण आस.

नको मनी थारा निराशेला

नका करू मन विचलित 

मनी विश्वास असता यशाचा

आशेचे किरण करी मन प्रफुल्लित.

निशे नंतर ऊषा उजळते

आणिते ती नव आशा

सारून मरगळ तनमनाची 

दाविते यशरूपी नव्या दिशा

 

वैशाली वर्तक 

अहमदाबाद

मोरपीस

मोरपीस 

मन माझे आनंदले

किती पहा आकर्षक 

पीस सुंदर मोराचे

भासे चित्ताला वेधक.

सप्त रंगातील ऱंग

हिरवाई नील पीत

भरलीत विधात्याने

सुंदर करण्या नीत.

मेघ जमता अंबरी

पुरविता पिसारा भार

पडलेले जल पिसावर

चमकता  दिसे शानदार 

मोरपीस स्पर्श अलवार

सुखावितो तन मनाला 

विधात्याने सौंदर्य सारे

अर्पिले जणु मयूराला.

पाहताच मयूर पीस

आठवे कृष्णाची मूर्ती 

शोभिवंत दिसे शिरी

मनी मिळे सदा स्फुर्ती

वैशाली वर्तक 

अहमदाबाद 

गीत...... माझ्या भारत देशाचा.

देशभक्ती गीत 

माझ्या भारत देशाचा, मला  सदा अभिमान

प्राणाहून असे  प्रिय, तयाच्या  गौरवात शान

भाव वसे समतेचा ,धर्म नांदती अनेक

नसे भेद- भाव जना ,असा देश जगी एक

काय असे किती वर्णू , भारताचे गुणगान 

प्राणाहून असे  प्रिय , तयाच्या  गौरवात शान

पहा किती एकात्मता, होती संस्थाने अनेक

मान ठेवून शब्दांचा  ,अखंडित  झाली  एक

वल्लभभाईंच्या शब्दांचा,  दिधला जगी  मान

प्राणाहून असे  प्रिय  तयाच्या गौरवात शान

देश हा आत्म निर्भर, येता प्रसंग तो बाका

स्वावलंबी होती जन, येता मदतीच्या हाका

विश्वात शोभून दिसता, उंचावते अभिमाने मान

प्राणाहून असे  प्रिय तयाच्या  गौरवात शान

माझ्या भारत देशाचा मला  सदा अभिमान

प्राणाहून असे  प्रिय तयाच्या  गौरवात शान

वैशाली वर्तक 

 अहमदाबाद

गीत. देव नाही देवळात

 काव्य स्पंदन 02 राज्य स्तर 

काव्य प्रकार भावगीत

विषय -- नाही देव देवळात

आहे तोच  अंतरात, नाही देव  देवळात 

नका शोधू देवा-ह्यात  ,वसला चरा चरात

कळी पहा उमलली   सुगंधाने गंधाळली

वा- यासंगे डौलताना उषा हसत लाजली   

सारी देवाची  करणी  घडवितो दिनरात

 नका शोधू देवा-हात  वसला  चरा चरात        1

देता गरीबास अन्न , दोन आपुले कवळ   

तृप्त होऊनी हसला  आला असता जवळ

ओळखला नाही पण, तोची जेवला सुखात

नका शोधू देवा-हात  वसला चरा चरात             2

पहा देवास कर्मात ,  कर्म  घडवी देवत्व

सदा करिता सत्कर्म, मिळे  आपणा महत्त्व 

 नको पूजा जप ताप ,देव वसे आपल्यात 

  नका शोधू देवा-हात  वसला चरा चरात          3

वैशाली वर्तक

अहमदाबाद

स्वप्न नव भारताचे

स्वप्न नव भारताचे     

काल पाहिले सुंदर स्वप्न  

मन माझे  आनंदले

केले वंदन देवाला 

अन् काव्यातून रेखाटले.

        

 स्वप्नी होता  सुंदर स्वच्छ भारत

 विश्वात शोभणारा महान 

 समानतेचा नांदतोय भाव

 नाही कोणीच  उच्च वा लहान

 

 

नव्हते कोणीच उपाशी

सर्व जनांना आहे निवारा

समजून  उमजून राही जन

घरांना कुलुपाचा न , पहारा

आत्मनिर्भर होऊनी सारे

वाढविण्या जगती देशाची शान 

माणुसकी हाच धर्म खरा.      

याची नागरिकात दिसली जाण.

कळ्यां कधी न खुडता

हाती तयांच्या लेखणी

होण्या  मुलगी  साक्षर

सावित्री  रूपे देखणी.

रोज येती सांजवेळी

ऐकायला  पसायदान

देई  संदेश जगाला

विश्व शांती  योग्य दान

वैशाली वर्तक

अहमदाबाद 

8141427430.