आयोजित
उपक्रम क्रमांक ४७१
अष्टाक्षरी काव्य रचना
ओढ लागली जीवाला
*राधा बावरी*
जळी स्थळी पाही तुज
कृष्णा तुला एकमात्र
दुजा कोणी न मजला
दिसे श्यामच सर्वत्र
ध्यानी मनी तू सावळा
मनी देवकी नंदन
हरी नाम सदा मुखी
जरी करिता मंथन
अविरत करी तुझे
सदा मनात चिंतन
कृष्ण कृष्णची शब्द ते
माझे बोलती कंकण
बाधा झाली राधिकेला
झाले मी आता बावरी
ओढ लागली भेटीची
ऐक रे कृष्ण मुरारी
नाद मुरलीचा ऐकता
राधा हरपते भान
गोप गोपिका सवे
हरी कडे तिचे ध्यान
वैशाली वर्तक
अहमदाबाद
काव्यलेखन
विषय ... "उंबरठा"
ओलांडूनी जया प्रवेशते घरा
आहे मान तव उंबरठ्याला
कुंपण आहे तेची कुटुंबाचे
मान मर्यादा असती तयाला !
नित्य कौटुंबिक घडामोडी
सदैव चालीरीती घरादाराला
आणू नयेत चव्हाट्यावरी
चूकभूल द्यावी उंबरठ्याला !
वधू माप ओलांडून जाते
पतीच्या घराचा उंबरठा
उजळण्या दोन कुळे
चालविते संस्कृतीच्या वाटा !
संस्काराचे जपते बंधन
राखून थोरांचा सन्मान
ध्यानी उंबरठाची मर्यादा
वाढविते कुटुंबाची शान !
मर्यादा आपापल्या घराची
पाळावी लागते प्रत्येकाला
तरच कुटुंब आदर्श ठरते
वेळोवेळी मान उंबरठ्याला !
आपले संस्कार व संस्कृती
कर्माचरणाने टिकवून ठेवा
समतेचे महान राष्ट्र म्हणवून
जगाला वाटू द्यावा हेवा
आ भा म भा प ठाणे जिल्हा 2
आयोजित उपक्रम क्रमांक 592
विषय - उंबरठा
ओलांडूनी. प्रवेशितो घरा
मान असे त्या उंबरठ्याला
कुटुंबाचे असते ते कुंपण
देई मान -मर्यादा वागण्याला
कुटुंबाच्या नित्य घडामोडी
चालती सदैव घराघरातूनी
न आणाव्या चव्हाट्यावरी
उंबरठ्याची मर्यादा असे मनातूनी
वधू ओलांडून प्रवशिते
उंबरठा पतीच्या घरचा
उजळण्या दोन कुळे
चालविण्या वारसा संस्कृतीचा.
जपते संस्काराचे बंधन
राखून सन्मान थोरांचा
ध्यानी उंबरठाची मर्यादा
मान वाढविते कुटुंबाचा
कुंपण मर्यादा घराची
पाळावी लागते प्रत्येकाला
तरच कुटुंब ठरते आदर्श
मान देत उंबरठ्याला
आपले संस्कार व संस्कृती
करिताती वेळोवळी जाण
म्हणूनच टिकेल राष्ट्र- धर्म
मनाच्या उंबरठ्याला द्यावा मान
वैशाली वर्तक
अहमदाबाद
