अ भा म सा प मध्य मुंबई समूह क्र २
उपक्रमासाठी
। - तृष्णा
आहे स्मरणी कहाणी
तहानलेल्या कावळ्याची
किती परिश्रमाने तयाने
भागविली तृष्णा पाण्याची
तृष्णा लागते जीवाला
नानाविधी आशा अपेक्षांची
घेतो मानव परिश्रम जीवनी
साध्य करण्या त्या तृष्णांची
गिरीधराची तृष्णा मीरेची
राहीली सदैव भक्तीत लीन
रचूनी कवने गोपालाची
भजनात व्यस्त रांत्रदिन
तृष्णा आंतरिक भावना
करते जीवाला अस्वस्थ
वेड लावते तन मनाला
बसू देत नाही ती स्वस्थ
मिळता स्वातंत्र्य देशाला
शमली तृष्णा देश भक्तांची
करूनी बलिदान जीवांचे
दावीली पहाट स्वातंत्र्याची
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा