पंचाक्षरी --- दिवे लागण/ भास मनाचा

रोही पंचाक्षरी
स्पर्धेसाठी---
विषय---दिवे लागण

 दिवे लागण
शोभे आंगण
धनी येण्याची
वाट पाहण

घरे भरली
न् उजळली
सायंकाळी ची
वेळ जाहली

देव घरात
घरा दारात
शुभ विचार
आणा मनात

दिवे लावता
पाढे  म्हणता
शुभं करोती
ओठी स्मरता

दिवे लागण
देवा स्मरण
लक्ष्मीचे घरी
ते आगमन

चंद्र  चांदणी
दिवा अंगणी
सायंकाळला
लावे गृहिणी

वैशाली वर्तक

यारिया साहित्य  कला

रोही पंचाक्षरी                                       

*भास मनाचा**

काय करावे

मन गुंतावे

या भासाने ते

किती छळावे

दिसे स्वप्नात

वसे मनात

पहावे  तर

नसे सत्यात

सदा चिंतन

मनी मंथन

भास मनाचा

व्हावे दर्शन

वेड जीवाला

छळे मनाला

काय करावे

अशा वेडाला

सोड हा ध्यास

न उरे भास

उगा विचार 

नको मनास

उभे ठाकले

डोळा देखले

भास मनाचा

आता नुरले

वेध गुलाबी थंडीचे/लागे चाहुल थंडीची

! 
शरदाच्या चांदण्यात
वेध गुलाबी थंडीचे
थंड  गारवा तो सांगे
दिन आले   शेकोटीचे

शहारती तृणपाती
दव थेंब चमकती
भासे मोतियांच्या माळा
पुष्प लता बहरती

वेध लागता थंडीचे
ऐकू येतो तो मारवा
प्रेमी युगलांंना वाटे
सदा हवा हा गारवा

 दिन येताची थंडीचे
तरारेल भाजी पाला
मस्त  सेवन करुया
गुणकारी  आरोग्याला

 करी आठवण  थंडी
शोधा कपडे गरम
थंडी दूर सारण्यात
नको प्रकृती नरम

ऋतू प्रीतीचा लोभस
निसर्गाची ती करणी
दिसतील धनधान्ये
केल्या कष्टाची भरणी


वैशाली वर्तक  25/11/2019
:

प्रेमाची अक्षरे स्पर्धेसाठी

आष्टाक्षरी रचना

लागे चाहुल थंडीची

------------------------

लागे चाहूल थंडीची

अंगी भरे हुरहुडी

शोधा गरम कपडे

 ठेवा उबदार कुडी

थंड वारा झोंबे अंगा

दूर सारण्या गारवा

थंडी वाढताच वाटे

चहा हा सदाची हवा

जादु असे ह्या थंडीत

झोंबे गार गार वारा

थंडावली सारी सृष्टी 

अंगी उठे तो शहारा

शहारती तृणपाती

दव थेंब चमकती

भासे मोतियांच्या माळा

पुष्प लता बहरती

शरदाच्या चांदण्यात

वेध गुलाबी थंडीचे

थंड  गारवा तो सांगे

दिन आले   शेकोटीचे

ऋतू प्रीतीचा लोभस

निसर्गाची ती करणी

दिसतील धनधान्ये

केल्या कष्टाची भरणी

वैशाली वर्तक  16/12/2019

शब्दांकूर साहित्य  समुह

आयोजित 

उपक्रमासाठी

विषय - सूर्य  चोरला कोणी

दिन आलेत थंडीचे

दाट धुके दाटलेले

आदित्याचा नाही पत्ता 

 नभ मेघांनी झाकोळले     1

  रवी मेघात दडला

   शलाका काढती वाट

   सूर्य  चोरीला कोणी

   जरी सरली पहाट           2

   धुक्याची  शाल तलम 

   धरेने पांघरली लाजत

   रवी दूर करी किरणांनी

   आली सकाळ हासत        3

  

    

   दवात न्हाली सकाळ

   थंड गार वाहे वारा

   जाणवे गुलाबी थंडी

   अंगी उठतो शहारा          4

     ऋतु थंडीचा लोभस

     फुले फुलली रंगीत

      तृणपाती वर दवबिंदु

      ऐका पक्षांचे संगीत           5

       दिन थंडीचे येताची

        दूर करण्यास थंडी

        लावा अंगणी शेकोटी

        घालूया गरम  बंडी            6

वैशाली वर्तक

अहमदाबाद

.     वर्ल्ड व्हिजन टाईम्स प्रकाशित 

धुंद झाली आज प्रीत

सिध्द लेखिका
समुह आयोजित
स्पर्धेसाठी अष्टाक्षरी
विषय प्रीत गुलाबी गुलाबी

शिर्षक - गुज प्रीतीचे

किती वाट रे पाहू मी
तुज कळेना कधीच
वाट पाहूनी शिणले
माझे नयन आधीच

बघ फुलला मोगरा
धुंद भ्रमर गुंगतो
गंध तयाचा मजला
तुझी आठव करितो

ओढ लागली जीवाला
 सदा तुझ्याच भेटीची
  वेडे झाले मन माझे
रीत अशीच प्रीतीची

सांजवेळी बहरली
पहा धुंद रातराणी
हात हातात घेउनी
गाउ प्रीतीची ती गाणी

तव प्रेमाची सखया
वाट पहाती लोचने
प्रीत गुलाबी गुलाबी
ऐक माझे तू सांगणे
------------------

वैशाली वर्तक
प्रेमाची अक्षरे राज्य स्तरीय समुह आयोजित
उपक्रम
विषय - प्रेम वेडी
वर्ण- 9

कधी भेटशील सखया
धुंद झाली ती आज प्रीत ..... , धृवपद
         ओढ लागली या जीवाला
         कसे समजवू मनाला
         गाऊ मिळूनी प्रेम गीत
         धुंद झाली ती आज प्रीत 1

         रातराणी ही बहराली
         बघ सांजवेळ जाहली
         वेड्या मनाची हीच रीत
         धुंद झाली ती आज प्रीत 2

         वाट पहाती ही लोचने
         ऐक तूची मम सांगणे
         हात घेऊनी हाती नीत
         धुंद झाली ती आज प्रीत

     कधी भेटशील सखया
     धुंद झाली ती आज प्रीत

        ....... वैशाली वर्तक.6/4/2020

धुंद झाली आज प्रीत                           28/11/2019
अष्टाक्षरी
     
तुला भेटण्याची सदा
ओढ लागली  जीवाला
कधी येशील जवळी
सांग माझिया मनाला

वाट तुझी बघण्याची
वेड्या मनाची ही रीत
बघ सांजवेळ झाली
धुंद  झाली आज प्रीत

शहारते मम काया
स्पर्श  होता अलवार
मोहमयी तव हात
फिरु देना हळुवार

पहा कशी बहरली
धुंद गंध  रातराणी
हात घेउनी हातात
गाऊ दोघे प्रेमगाणी

तव प्रेमाची सखया
वाट पाहती लोचने
धुंद मंद या समयी
ऐक माझे तू सांगणे

......वैशाली वर्तक     28/11/2019

माझे मन तुझे झाले

उपक्रम
अष्टाक्षरी
विषय - "माझे मन तुझे झाले"

झाली नजरा नजर
थेट भरली मनात
सावरली बट तिने
अदा भावली क्षणात

वेड लागले जीवास
नित्य तुजला पहाणे
होता तू नजरे आड
शोधी भेटण्या बहाणे

काय योग माझा पहा
भेट झाली अवचित
निरुत्तर तूही उभी
 पाही मज प्रश्नांकित

मुक संवाद साधिला
कटाक्षाने तो क्षणिक
माझे मलाच कळेना
कसा झालो भावनिक

होता देवाण घेवाण
अमुच्यात शब्द चार
माझे मन तुझे झाले
करि भेटीचा विचार

भेट सहज घडली
पण स्मरते ती मनीं

मन माझे तुझे झाले
मज कळले त्याक्षणी.

 

 

अबोल प्रीत

सहाक्षरी पुरुष

स्पर्धेसाठी---
सहाक्षरी
विषय - पुरूष

संस्कृती  आपली
पुरुष प्रधान
सर्वत्र  ठिकाणी
पुरुषांना मान

कुटुंबाचा असे
 खरोखरी कणा
येताची संकटे
तो साहे वेदना

कुटुंबाचा कर्ता
घराचा आधार
प्रत्येक  जणांचा
साहे तोचि भार

सर्वत्र  पुजते
 जरी  जगीं नारी
कर्तृत्वात असे
सदा तोच भारी

संसाराचा रथ
धावे भर धाव
कष्ट किती साहे
त्याचे त्याला ठाव

संसार रथाचा
बनून सारथी
सुखी कुटुंबाचा
तोचि महारथी

कष्ट तोचि करे
मातेला पुजती
दिसे ना कोणास
त्याची ती महती

वैशाली वर्तक 20/11/2019

स्मृतिगंध चाराक्षरी

उपक्रम
स्मृती गंध

बसले मी
निवांतात
मन रमे
विचारात

आयुष्याचा
गत काळ
आता वाटे
तो सुकाळ

रम्य होते
बालपण
येता त्याची
आठवण

रोज मित्र
जमायचे
नित्य सारे
खेळायाचे

नको वाटे
शाळा तेव्हा
अभ्यासाची
भिती जेव्हा

विद्या  केली
संपादन
नोकरीचे
मोठेपण

केली मौज
कधी दुःख
मुले देती
आता सुख

अशी असे
आठवण
त्या काळाचे
ते स्मरण

वैशाली वर्तक 12/11/2019