उपक्रम
पांडुरंग
जिथे तिथे
पांडुरंग
भजनात
सारे दंग 1
पांडुरंग
तुची देवा
सदा घडो
तुझी सेवा 2
नित्य घ्यावे
विठू नाम
होती सारी
पूर्ण काम 3
विठू माझा
नयनात
देई सुख
जीवनात 4
पांडुरंग
विटेवरी
हात सदा
कटी वरी 5
काढा दृष्ट
माऊलीची
घाई झाली
दर्शनाची 6
लागे मज
एक आस
दर्शनास
आले खास 7
आस मनी
दर्शनाची
पांडुरंग
पहाण्याची 8
वैशाली वर्तक
गोष्ट एका लग्नाची
नोकरी निमित्त मुंबई सोडून दुसऱ्या गावात जावे लागले . नवे शहर.पण ओळखीच्याकडून माहिती काढली....मराठी विस्तारात एक गेस्ट हाऊस आहे ....मराठी वस्ती व मालक पण मराठी .....मी तेथे रहावयास गेलो. गेस्ट हाउस चा मालक गप्पीष्ट..रोज आजुबाजुच्या रहाणा-या लोकांची माहिती देई . " ही बाजुला रहाते ना ! ती नर्स आहे . दिसायला सुरेख आहे बर का! "आणि ,"ती... अगदी समोर रहाणारी ...उभी आहे बाहेर कामात..हुशार आहे ..सर्वीस पण छान आहे ..चार चौघीत उठून दिसणारी आहे..... पण जरा गर्विष्ट आहे.. ..आणि त्याहून महत्त्वाचे म्हणजे , " तिचे वडिल शिस्तीचे .अहो rss विचाराचे. जरा मुली कडे नजर केली तर दणकाच पडेल . तसे प्रेमळ आहेत. महाराष्ट्र समाजात पण कार्यकारी मंडळात आहेत. दरारा पण आहे त्यांचा." गेस्ट हाउस मघे आम्ही बाहेर गाव ची आलेली मंडळी एकत्र व्हायचो . रोज मालकाच्या गप्पा ऐकायचो.. तो रंगून सांगायचा व आम्ही ऐकायचो. सहज आमच्याच शर्यत लागली ... कोण आहे ही एवढी अक्कड. गर्वीष्ट ....चला ...तिच्याशी जो बोलून दाखवेल त्यास 500रु.मिळणार.. हो त्या वेळी 500 फार मोठी रकम होती. मी पण तयार झालो. ...लागली शर्यत. आमच्या घरा कडे म्हणजे गेस्ट हाउस कडे येतांना तिचे घर आधी यायचे.. त्यामुळे तिच्या घरावरून च पुढे यावे लागे...सहज येता जाता नजरानजर होई ..पण मालकाने सांगितले शब्द कानीं येत . ओसरीत तिचे वडिल व ती , बाजेवर संध्याकाळी बसलेले असत... .कधी भाऊ बहिण, तर कधी आई वडिल ..नेहमी दिसायचे ,जणु तिचे गार्डच असायचे .त्यामुळे तिच्याशी बोलायचे कसे होणार .. व काय बोलणार ..हा सदा प्रश्न च होता. तशी मुलगी खरच छानच होती. आकर्षक ..व खरच स्वतः च्या तो-यातच असायची. मी सहजच आमच्यातील दोन जणांना घेउन.. वडिल व ती ओसरीत बसली असता गेलो.... ,पण.. लगेच ति-हाईक व्यक्ती आल्याने ती उठून आत गेली . मी बोलणे काढले ....सुरु केले की, "आमच्या मालकाने सांगितलं की आपण समाजात कार्यकारी मंडळात आहात ...आम्ही बाहेर गावचे... आम्हाला सभासद होता येईल का ?" वडिलांशी निमित्त काढून बोलणे झाले. मग त्या गावात बाजार कुठे ? पहाण्याची ठिकाणे कोणती? अशी विचार पूस करुन ..सहजता बोलण्यात दाखविली व परत रुम वर आलो. पण बाकीची मंडळी म्हणाली यात मुलीशी तर बोललाच नाहीत.. .....शर्यत तिच्याशी बोलण्याची आहे. झाsssले. परत दोन दिवसांनी वडील व ती बसली असता मी एकटाच गेलो. ती नेहमी प्रमाणे उठून आत गेली.... मग मी स्वतःच , मी कुठला ..नोकरी कुठे... वगैरे सांगून . बोलणे वाढविले व सहज विचारले .की, ,"तुमची मुलगी बँकेत आहेना सर्वीस ला.? कारण माझा एक मित्र येथे बदलून आला आहे .तो त्यांच्याच बँकेत आहे का ? " तिच्या बाबांनी तिला बाहेर बोलविले तर ती उत्त्तरली ,"माहीत नाही... स्टाफ मोठा आहे .पूर्ण नाव माहीत पाहिजे. म्हणत आत निघून गेली .आज तर मी शर्यत दोन वाक्य का होईना बोललो. व . जिंकलो होतो तिच्याशी बोलून ..सरळ रुम वर येउन बाकी मंडळींना सांगितले की मी पैज जिंकलो आहे. पण या पैज जिंकण्यात मला पण ती आवडू लागली होतीच. व तिच्या बाबांशी म्हणजे वडिलांशी वारंवार बोलून माझी पण माहीती देउन मी लग्नाच्या बाजारात उभा आहे ची कल्पना दिली .व त्यांना पण माझ्यात ..त्यांना जावई जसा हवा होता तो मिळतोय याची मला अंधुकशी . कल्पना आली...मुलगी आई वडिलांच्या कह्यात होती. ते जे दाखवतील ते तिला पटणारे होते. व माझे व्यक्तीमत्व पण तितकेच होतेच की पसंत पडण्या सारखे.. असे होत शेवटी .पुढे पुढे....ती पण मी कधी आलो की एकत्र बसू लागली कारण आता गोष्ट .....बोलणी साखर पुड्या पर्यंत आली होती. सहज मी विचारले ,जायचे का शनिवारी सिनेमाला. दोन तिकिट आणली आहेत ..तर वडिलच आधीच म्हणाले नको .साखर पूडा होउ दे. आज तिकीट आहेत तर माझा मुलगा ....तिचा भाऊ वाटले तर येईल.....जरा तुमच्या सम वयस्करांच्या गप्पा पण होतील व ओळख वाढेल. . .मी नाईलाजाने ..होsss हो ssचालेल की करत निघालो. पुढे सर्व बोलणी साखरपुडा पार पडला व यथा सुमुहुर्तावर लग्न पण पार पडले व आज सुखाचा संसार चालू आहे .तर अशी गंमतीदार ... मेरे सामने वाली खिडकी ची.... गोष्ट एका लग्नाची
कर्तृत्ववान महिला माता जिजाऊ
आठविता शिवरायांचे प्रताप
उभे रहाते माता जिजाऊंचे मूर्तीमंत रुप
तुजला कर्तृत्वान मातेचा सदा किताब
दिधलात तुम्ही पूत्र शिवबा ,अवध्या महाराष्ट्रास.
शिवारायांनी स्थापिले हिंदवी स्वराज्य
तव कृपेच्याच शिकवणी प्रसादानं
शिवराय झाले "शिव छत्रपती "महान
तुझेच कर्तृत्व झाले बिंबीत तयात.
महाभारत-रामायणातील ,कथा सांगूनी
जिजाऊंनी रुजविलेत, संस्कार तयांचे मनीं
धर्म , दया , समभावाच्या देऊनी शिकवणी
बाळकडू पाजियले शिवबांना बालपणी.
धडे घेऊन शूर वीर लढवैय्यांचे
तयार केलेत, सवंगड्यांचे शिवबांनी शूर मावळे
जे होते तयांना , प्राणाहून प्रिय असे
लढण्यास सदा तत्पर असती, बलीदानाते.
परस्त्रीला देऊन मातेचा मान
परत दिधली , सन्मानाने कल्याण सुभेदारांची सून
स्त्रियांचा सदा राखिला मान सन्मान
हीच शिकवण तुमची "जिजाऊ माते," महान.
तव स्फूर्ती ने केलेत गड सर
अद्दल घडविली शाहिस्तेखानास
एक- एक करूनी ,जिंकला सिंहगड पण
अन् मराठे शाहीचा फडकविला ध्वज.
जिच्या हाती पाळण्याची दोरी
ती जगताते उध्दारी
हीच म्हण खरी ठरविली
"जिजाऊ राजमाते" तुम्ही तुमच्या कर्तृत्वानी.
...............वैशाली वर्तक
अभा ठाणे जिल्हा समूह 1
राज्य स्तरीय अष्टाक्षरी काव्यलेखन स्पर्धा
12/1/22
विषय - राजमाता जिजाबाई
*कर्तृत्ववान माता*
नाव घेता शिवबांचे
जिचा पूत्र यशोवंत
राजमाता जिजाबाई
रूप दिसे मूर्तीमंत 1
धर्म दया समभाव
दिल्या सदा शिकवणी
बाळकडू पाजियले
शिवबांना बालपणी 2
गिरविले बालपणी
तव कृपा प्रसादान
कथा शौर्याच्या ऐकून
राजे घडले महान 3
सारे केले गड सर
ध्वज हिंदवी राज्याचा
तव स्फूर्तीने चढला
छत्रपती शिवबांचा 4
राजमाता जिजाबाई
दाखविली म्हण खरी
हाती पाळण्याची दोरी
तिच जगता उध्दारी 5
वैशाली वर्तक
अहमदाबाद
भारतीय साहित्य व सांस्कृतिक मंच महाराष्ट्र राज्य आयोजित काव्य लेखन स्पर्धा
विषय .. कणखर स्री
शीर्षक. कर्तृत्ववान स्त्री
नाव घेता शिवबांचे
जिचा पूत्र यशोवंत
राजमाता जिजाबाई
रूप दिसे मूर्तीमंत 1
धर्म दया समभाव
दिल्या सदा शिकवणी
बाळकडू पाजियले
शिवबांना बालपणी 2
गिरविले बालपणी
तव कृपा प्रसादान
कथा शौर्याच्या ऐकून
राजे घडले महान 3
सारे केले गड सर
ध्वज हिंदवी राज्याचा
तव स्फूर्तीने चढला
छत्रपती शिवबांचा 4
राजमाता जिजाबाई
दाखविली म्हण खरी
हाती पाळण्याची दोरी
तिच जगता उध्दारी 5
वैशाली वर्तक
अहमदाबाद
