सिंगापूर शब्दगंध चां दिलेले चित्र त्शयावर रचना
अरे मानवा काय ही
करून घेतली तुझी दशा
स्वच्छंदे फिरतोय आम्ही
आणि तू बंदिस्त पिंज-यात.
खरच मानवा असा कसा रे तू
असूनही हुशार प्राणी मात्रात
पण, काय केलीस ही दैना
स्वतःच झालाय बंदिस्त, आभासी जगात
कुठं तर चुकतंय आपलं
हे तुला कधी उमजणार
कळतंय पण वळत नाही
याचे उत्तर तूज कधी गवसणार?
दिवस नाही ...रात्र नाही
सदोदित बसला अडकून
उठ जरा बघ निसर्ग
फोन दे तो भिरकावून
वृक्षाच्या फांदीवर बसून
मी देतोय तुजला हाक
निसर्ग बघ खुणावतोय तुला
हातातील मोबाईल दूर टाक.
आम्हाला ठेवता बंदिस्त
नाही आम्हा आवडत
गगनी उडते सवंगडी पाहून
आम्ही बसतो हळहळत
तुम्ही मानव बुद्धीजीवी
केलाय ना देवे मेंदू बहाल ?
म्हणूनच झालाय तू प्रगत
दाखव विश्वाला कमाल.
कोणत्याही टिप्पण्या नाहीत:
टिप्पणी पोस्ट करा