शब्द रजनी साहित्य समूह
आयोजित दुहेरी काव्य लेखन
विषय .. मंद झाल्या तारका
शीर्षक...सरली रे निशा
आली बघ सांज वेळ समीप
वाट पाहते मी लावूनी दीप
करून शृंगार तव आवडीचा
कामात व्यस्त संदेश नेहमीचा
यामिनीचा शशी येतो नियमित
मज वाट पहाणे असे खचित
कुंतली माळलेला गंधित गजरा
किती जणांच्या त्यावरी नजरा
मंद शीतल वा-याची झुळुक
क्षणात मनाला करी उत्सुक
वाट पाहून मनी येते दडपण
रात्रभर तुझीच रे आठवण
मंद झाल्या तारका ,सरली निशा
प्राची उजळेल आता दाही दिशा
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा