लेख....मी कोण कविता मी कोण

 साकव्य  लेख स्पर्धा 

दि 24 ते 30 एप्रिल 2025

विषय ... मी कोण 

    समोर दैनंदिन पडली  होती. व तिच्या समीप  लेखणी, तिच्या कुशीत विसावली होती. माझे लक्ष सहज त्या दोघींकडे गेले . कशा ऐटीत मेजवर बसल्या होत्या.  दैनंदिनी जणु लेखणीस प्रेमाने कुरवाळत होती. सहजपणे मी दैनंदिनी जवळ घेतली , व  लेखणीस  हातात घेतले. शारदेला मनोमन वंदन करुन, मनीचे घोळत असलेले विचार लेखणीच्या द्वारे दैनंदिनीत शब्द रुपाने झरले,... आणि ते शब्द.. शब्द गुंफीत गेले व मनाचे गुज मांडीत गेले.  मनीच्या भावनांना  रिक्त करता.. करता, शब्द माळ गुंफत जाता  , पाहिले तर मला काव्य  , कविता प्रसवली.  मी त्या शब्द माळेस पुन्हा पुन्हा वाचून योग्य तेथे सुधारणा केली. मनातून आनंदले.जनात पण वाचून, बोलून दाखवली. जन मनाला पण तितकीच भावली.

       पुढे पुढे मज छंदच जडला.  मनातील भावना कागदावर उतरविण्याचा.... सतत लेखनाने विचारांना प्रेरणा मिळत गेली . माझी लेखणी जास्त जास्त स्फुरत गेली . व ती दिवसेंदिवस जास्त देखणी बनत गेली. आता विषय मिळता , वा  सहज बसले असता, हलती डौलती पाने फुले.,.. मस्त हवेत स्वच्छंदाने उडणारी पाखरे,.. वा वा-याच्या झुळुकेवर डोलणारी शेते, ..काबाडकष्ट करणारा जगाचा पोशिंदा शेतकरी पाहून  निसर्गातून मला भावना उचंबळून  येता  , माझ्या भावनांना वाट करण्यात, लेखणी पुढे सरसावत गेली. 

      आणि निसर्ग तर आहेच गुरू तो तर नवनवीन विचारांना प्रेरणा देतोच . जसे चित्र कार त्याच्या कुंचल्यातून दृश्य जसेच्या तसे रेखाटतो तसे मी शब्दांतून गुज मनीचे लेखणीतून सांगु लागले . सतत़ लेखन सरावाने लेखनास धार येऊ लागली. 

     आता   एक वेगळीची बॅंककर , नेशनल तरणपटू , निवृत्त काळात कवयित्री होऊन अनेकदा अ. भा .मराठी साहित्य संमेलनात मी काव्य सादरीकरणात आमंत्रित होऊ लागले .

         माझे मलाच कळले ना! मी शब्दकार  कधी बनले.

वैशाली अविनाश वर्तक 

अहमदाबाद 

8141427430

मोहरली लेखणी साहित्य समूह 

विषय...*मी कोण*

मी कोण असे पुसता

प्रश्न ..अस्तित्व,वा स्व ओळखीचा

मी,आहे तुमच्यातील सारस्वत

छंद जडलाय लेखणीचा

आहेत साहित्य समूह अनेक 

जतन करण्या मायबोली 

देत-घेत विचारांना चालना

रचिते रोज चार ओळी 

होते खरी तरणपटू, बेंकर 

निवृत्तीत  छंद जडला लेखणीचा 

अन् अविभाज्य स्थान तिज लाभता

मान मिळाला कवियित्रीचा

अ.भा साहित्य संमेलनी आमंत्रित 

कवि कट्टयावर सादरीकरणासाठी 

 भेटूया साता-यास आपण

सारस्वत भेटीचा आनंद घेण्यासाठी 

वैशाली वर्तक 

अहमदाबाद