सिद्ध साहित्यिक समूह
आयोजित उपक्रम
विषय ....या सुखांनो या
होता मनाजोगते काहीही
होते सुखी प्रसन्न, मन
बोलवितच होते सुखांना
मिळाले की? सुखाचे क्षण.
सांज सरता आली निशा
चांदण्याने मोहविले मन
लुटला अनामिक आनंद
भासले ते पण , सुखाचे क्षण
पहा ऊषा उजळली
घेत नव्या आशेचा साज
क्षण सुखाचे वेचले
आनंदाचा लावूनी ताज
स्वतः अंगणात लावलेलं
डवरलेले पाहून रोप
मन ऊडु ऊडु जाहले
आनंदाने उडली झोप
क्षण सुखाचे शोधले
भरलेल्या जीवनाते
आनंदे समाधाने जगता
बहरले ते क्षणाते
असेच असती सदोदित
सुख अवती भवती
या रे सुखांनो या
कळली तुमची महती.
वैशाली वर्तक
अहमदाबाद
21/4/25
कोणत्याही टिप्पण्या नाहीत:
टिप्पणी पोस्ट करा