प्रज्ञा महिला मंच
विषय - आनंदाची उधळण
ऋतुराज आला
पाने टाकूनी पिवळी
संपे आता पानगळ
नव पर्णे अंगोपांगी
दूर झाली मरगळ
ऋतू वसंत येताच
फुटे कोवळी पालवी
वृक्ष लता बहरली
मनी आनंद फुलवी
थंड वा-याची झुळूक
शहारते अंगावर
तृण पाने डवरली
फुले डुले , रोपावर
येता रवीराज नभी
उधळण चैतन्याची
परिमल मोग-याचा
आसमंत सुगंधाची
फुले रंगीत फुलली
सृष्टी सजली धजली
रुप पहाता धरेचे
जनमने आनंदली
उधळण आनंदाची
असे काळ सृजनाचा
रूप पहा अवनीचे
दिन भासे आनंदाचा
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा