सुख म्हणजे ..मनाला मिळणारा आनंद. . मनाने अपेक्षा करावी ती सहज मिळावी.
म्हणतात ना हवी असलेली वस्तू व नोकर वेळेवर मिळाले तर पृथ्वीवर स्वर्ग अवतरेल.
कोणाला माहीती स्वर्गात तरी सुख आहे. त्या मुळे मानसिक आनंद मिळणारे वा
मनाला जेव्हा खरा आनंद.मिळतो. हायसे वाटते. मन तृप्त होते. डोळे बंद करुन
तृप्त मनाने जीव हलका होतो मन आनंदाने नाचू लागते. तेच क्षण सुखाचे क्षण.तेच असते सुख.
आता पहाना. सर्वीस करतांना आपण उशीरा पोहचलो पण मस्टर चेकींगला न जाणे
वा अचानक चेकींग व्हावे व नेमके त्याच दिवशी आपण शार्प वेळेवर हजर
असावे व आपले नाव लेट कमरस मधे न येणे. हो ...होते असे बरेचदा.. माझे तर नेहमी व्हायचे. लगेच स्टाफ कलिक बोलायच्या तू काय बाई लकी आहेस . आता छान नशिब वा नशिबदार असणे ..हे पण सुखात चं येते ना.
तू सुखी आहे .नेहमी तू वाचते. व आपण पण म्हणजे मी पण आनंदाने खुष व्हायची. हे झाले सुख प्राप्तीचेच छोटं उदाहरण. अशी छोटी छोटी सुखे असतात .ती अनुभवली
मनाने मानली तर मनाला आनंद मिळतो व. क्षणैक सुखाचा आनंद वाटतो.
आपण लावलेले रोप बहरावे... फुलावे..कालची कळी हसून सकाळी फुललेली पाहून
आनंददायी सकाळ झाली तर ...निसर्गाने दिलेला त्याक्षणी आनंद हेच सुख. मी तर म्हणेन... दु:ख नाही झाले.ते सा sssरे सुखच ...
आणि सुषमा बोलली त्या प्रमाणे काही वेदना म्हणजे प्रसवतेच्या. स्त्रियांना जाणीव असते पण नंतर मिळणारे मातृपद बाल्याचे मुख दर्शन अमाप सुख देतात त्या सुखा समोर वेदना पण सुखात पालटतात .आधी पासूनच मनाने ते होणारे कष्ट सुखात पालवटलेले असतात.होतर ते सुख चं म्हणावे... म्हणजेच. काय सुख आपल्या अंतर्मनात दडलेले आहे. त्याला आपल्या इच्छेनुसार बदलवतो म्हणजे सुख. खरंतर काय सुख मानण्यात असते. समाधानात आहे.उगा का संत म्हणतात समाधानी रहा .सुखी व्हा मी माझी स्वरचित कविता सादर करते.सुख म्हणजे काय याची माझी कल्पना.. क्षण सुखाचे*
क्षण सुखाचे शोधावे
भरलेल्या जीवनाते
आनंदाने सदा जगा
बहरतील ते क्षणाते
पहा ऊषा उजळली
घेत नव्या आशेचा साज
क्षण सुखाचे वेचावे
आनंदाचा लावूनी ताज
होता मना सारखे वाटे
सुख आले माझ्या दारी
उपभोगा क्षण सुखाचा
मनी समाधाने वाटे भारी
ऊषे नंतर येता निशा
टिपूर चांदणे मोहविते मन
लुटा अनामिक आनंद
वाटती ,हे पण सुखाचे क्षण
भरले हे जग मोदाने
नको उदासिनता मनात
मोद विहरतो चोहीकडे
मिळतात क्षणसुखाचे क्षणात
वैशाली वर्तक
कोणत्याही टिप्पण्‍या नाहीत:
टिप्पणी पोस्ट करा