आयोजित उपक्रम
विषय.. उन्हाचे चांदणे व्हावे
**कष्टाचे मोल*
काळ्या मातीला कसून
घाम गाळीतो शिवारी
परिश्रम घेतो सदा
पहाण्यास राशी दारी
वाट पाहतो जलाची
बरसण्या मृग धारा
करण्यास पेरणीला
सोसतो गर्म वारा
येता वेळेवर वर्षां
पहा माती अंकुरली
पाहुनीया बीजांकुरे
बळी मने संतोषली
जसा पडता पाऊस
रोपे वाढली जोमाने
झाले उन्हाचे चांदणे
मन डोले आनंदाने
येता दिन ते सुगीचे
भासे उन्हाचे चांदणे
कष्ट आलेत फळाला
हेची देवास सांगणे
वैशाली वर्तक
अहमदाबाद
नाते युगायुगांचे
धुंद एकांत या क्षणी
नको दावुस बहाणे
तुला समजण्या मीही
आता झालीय शहाणे
बघ सांजवेळ झाली
घेते हाती तव हात
तुझी माझी राहो सदा
नित्य प्रेमळ ती साथ
स्मृती अजुनी आहेत
ताज्या समुद्र तटीच्या
गाज तयाची सांगते
आठवणी अंतरीच्या
नाते हे युगायुगांचे
ऋणानुबंधाच्या गाठी.
ओढ राहील सदैव
स्नेह भाव सदासाठी.
हेच मागणे देवास
अशा एकांत क्षणाला
मार्ग सुखाचा चालूया
मिळो स्वर्ग सुख तुला
वैशाली वर्तक
स्वप्नगंध स्पर्धा समूह
काव्य निनाद साहित्य मंच पुणे
आयोजित उपक्रम क्रमांक 319
विषय...हारजीत
चाले जीवनात खेळ
कधी जय तर पराजयाचा
जसा श्रावण मासी चाले
ऊन तर मधेच पावसाचा
पर म्हणजे दुजांचा
होतो जेव्हा विजय
हसत मुखे स्विकारा
अपयशात शब्द वसे यश
ठेवा घ्यावी अपयश हीच
असे पायरी यशाची
स्विकारावी हार पण
करीता वाटचाल जीवनाची
निसर्गात पण दिसे हारजीत
येता ओहटी सागरास
होतो तो कधी न उदास
वाट पाही भरतीची खास
होता न अपयशी खच्ची
हवी अभिलाषा विकासाची
पहा साधा कीटक कोळी
राखतो मनी आशा यशाची
वैशाली वर्तक
अहमदाबाद
