स्वराज्य लेखणी मंच
आयोजित उपक्रम
विषय.. उन्हाचे चांदणे व्हावे
**कष्टाचे मोल*
काळ्या मातीला कसून
घाम गाळीतो शिवारी
परिश्रम घेतो सदा
पहाण्यास राशी दारी
वाट पाहतो जलाची
बरसण्या मृग धारा
करण्यास पेरणीला
सोसतो गर्म वारा
येता वेळेवर वर्षां
पहा माती अंकुरली
पाहुनीया बीजांकुरे
बळी मने संतोषली
जसा पडता पाऊस
रोपे वाढली जोमाने
झाले उन्हाचे चांदणे
मन डोले आनंदाने
येता दिन ते सुगीचे
भासे उन्हाचे चांदणे
कष्ट आलेत फळाला
हेची देवास सांगणे
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा