भारतीय साहित्य व सांस्कृतिक मंच नाशिक
आयोजित उपक्रम क्रमांक ३१
विषय. सकाळची धावपळ
घाई सकाळची
आधीच कंटाळा उठण्याचा
निवांतपणा नसे मनाला
कामे कशी, कधी आटपून
धावणार नित्य कामाला
सकाळच्या साखर झोपेची
गोडी मजा वेगळीच काही
पण चहा ,टिफीन ,डबे भरा
यात फुरसतच मिळत नाही
कशी बशी आटपा अंधोळ
नजरेत दिसे हजरी पत्रक
तीन शेरे लेट मार्क चे
असतात चित्त वेधक
नको वाटे कोणाचे येणे
क्षण क्षण वाटे मोलाचा
फालतु वेळ मिळत नसे
सकाळचा वेळ धावपळीचा
वैशाली वर्तक
अहमदाबाद
सिद्ध साहित्यिक समूह
आयोजित उपक्रम क्रमांक 496
विषय... परीक्षा
सुरू होतेची परीक्षा
येता मानव जन्माला
बालपणी मायबाप
देतात उभारी मनाला
होतो मोठे जीवनी
देतो परीक्षा अनेक
उत्तीर्ण करून यशाने
येतो पुढे पाऊल , एकेक
सांभाळीत संयमाने
गृहस्थाश्रम सदाकाळ
देत परीक्षा करीतो
सदा आनंदी सकाळ
अहो सीतामाईला कुठे
परीक्षा होती चुकली
अग्नी परीक्षा देऊन
पंच कन्येत नाणे उजळली
परीक्षा करिते मोजमाप
मिळविलेल्या अनुभवाचे
काय शिकलात जीवनी
चुका सुधारून वागण्याचे
वैशाली वर्तक
अहमदाबाद
*नको मनी भ्रांत*
आली परीक्षा तोंडावर
म्हणतोस तू येत नाही
कसे होणार तुझे आता
चिंता मनी खात राही
नको होऊस निराश तू
नाही इतकाsही मंद मती
शांत चित्ते कर वाचन
येईल स्मरणात गती.
अजून वेळ गेली नाही
उठ सकाळी लवकर
कर महेनत हुशारीने
प्रातःकाळ असे सुंदर
आण ध्यानी काल वाचलेले
मग घे पठणाचा ध्यास
येतय मजला वाटेल मनी
वाढेल तुझा आत्म विश्वास .
नाही तुझा स्वभाव धांदरट
चित्त ठेव सदैव शांत
केलीय शेवटी ...का होईन
नकोच आणू मनी भ्रांत
वैशाली वर्तक
लगागा लगागा लगागा लगा
फडकता स्वतेजे असावा तिरंगा
जगी सौख्यदाता ठरावा तिरंगा. १
कधीही लहरता पहावा तिरंगा.
सदा झळकताना दिसावा तिरंगा. २
तिरंगा पहाता मनी हर्ष वाटे
जगाने फडकता पहावा तिरंगा ३
असे तो महा सोहळा भारताचा
मनातून सन्मानित हवा तिरंगा. ४
दिसे याच दिवशी हर घरी तिरंगा
असाची फडकता रहावा तिरंगा. ५
सलामी विनम्रे तिरंग्यास द्यावी
सर्वदा मनी आठवावा तिरंगा. ६
वर्ल्ड व्हिजन टाईम्स मध्ये 26/5/26
