नक्षत्र वेल साहित्य समुह आयोजित
*धुंदी*
धुंदी मधु सेवनाची
फुलासवे प्रणयात
राही सदा भ्रमरास
दंग राही गुंजनात
कुठलाही छंद जीवा
तोची लागता मनास
रममाण रहाण्यात
मिळे आनंद तयास
कलाकारास चढे धुंदी
सदा अभिनयाची मना
भुक तहान विसरे
वेड लागे तयाच्या तना
भक्तीरसात विसरली
मीरा कृष्णाच्या प्रेमात
झाली एकरुप मने
धुंद ती कृष्ण रुपात
वैशाली वर्तक
कोणत्याही टिप्पण्या नाहीत:
टिप्पणी पोस्ट करा