षडाक्षरी विषय -- भक्तीत रंगलो

उपक्रम

षडाक्षरी

विषय -- भक्तीत  रंगलो

भोळा भक्ती भाव

मनात दाटला

नामाचा गोडवा

आवडू लागला          1

घेता तव नाम 

दुःख  निवारण

होते पहा सदा

आनंदी जीवन          2

उठता बसता

स्मरते तुजला

ध्यास तो नामाचा

लागला मजला             3

वाटे सदा ध्यावे 

रमावे भक्तीत

जगण्या आगळ्या

अशा त्या स्फूर्तीत          4

लागली जिवाला

भक्तीचीच आस

भक्ती भजनाचा

लागलासी ध्यास              5

तुला विध्नेश्वरा

आले मी शरण

स्विकारा नमन

दाखवा चरण                  6

करा कृपा आता

आम्हासी रक्षावे

सकळ जगाचे

दुःख हे हरावे                 7

वैशाली वर्तक  

अहमदाबाद 

गुजरात

फूलले हे क्षण माझे. दोन ध्रुवावर आपण

फूलले हे क्षण माझे

  माझ्या मनीच्या इच्छा 

केल्या पूर्ण  सहजीवनी

 साथ  तुझी  मिळता

 भाग्यवान वाटे मनी

भाव मम अंतरीचे

तू जीवनी जाणिले

सहज देत हात हाती

सप्त रंगी  रंगविले

सहवास तुझा माझा

प्रीत गंध पसरला

एकमेका देत साथ

संसार ही फुलवला

आहे मज समाधान

दिधले तू सर्व  काही

भर भरुनी जीवनी

मागणे उरत नाही

फूलले हे क्षण माझे

तव कृपा प्रसादाने

मन माझे आनंदले

जगले जीवन मोदाने

वैशाली वर्तक 

अहमदाबाद

दोन ध्रुवावर दोघे आपण

जरी असूनही दूर 

प्रेम भाव तो अंतरी

मनाने जगतो सदैव 

नाम तुझेच अधरी 

देवाने दिधले तन

डोळे कान अवयव

करिती काम अविरत

जरी भेटीचा अभाव

राहूनी दूर जरीअक्ष

पाणी झरे  दोन्ही नयनी

ऐकता दुख बातमी

तेच चाले  अपुल्या जीवनी

 एकमेका   देती जिव्हाळा

सुख दुःखात मिळूनी साथ

 भासे न कधी दुःखाचा उन्हाळा 

दोन जीव दोन कुळाचे

बांधले जातात रेशीम गाठींनी

सहजीवन आनंदी करीती 

साथ देत  तडजोडींनी

  सहजीवन सुखी होण्या

  असे   धागा  विश्वासाचा  

  देण्या  सुखाच्या घागरी

  रेशीम गाठीत महत्त्वाचा

माघ शुध्द चतुर्थी *श्री गणेश जयंती*निमित्त

 

अष्टपैलू  संस्कृती  कला अकादमी , मुंबई (रजि)

आयोजित 

अष्टपैलू काव्यमंच साहित्य  समूह

उपक्रम क्रमांक 63

साप्ताहिक उपक्रम

माघ शुध्द  चतुर्थी *श्री गणेश जयंती*निमित्त 

विषय - गौरीनंदन

*गणेश वंदना* 

तव नामाचा महिमा

शब्द नसे गुण गाया

तुची असे सुखकर्ता

गजानना  गणराया         1

शुभंकर गौरी नंदना

बाप्पा वाटे आपला

तूचीअसे दुःख हर्ता  

किती नांवे रे तुजला        2

असे माघी जन्मोत्सव

माघी गणेश जयंती

  केला  दृष्टांचा संहार 

तीलकुंद चतुर्थी वदती     3

असे प्रथम पुजेचा 

तुजलाची  सदा मान

देतो आनंदी जीवन

करी  तुझाची  सन्मान          4

वेद सिद्ध , एकदंत

रणांगणी  धुरंधर

करी दुष्टांचा संहार

ठेव कृपा निरंतर                 5

चौदा विद्या अवगत

तव महिमा अपार

अधिपती स्वामी तूच

कुणी म्हणती मंदार               6

सौ वैशाली अविनाश वर्तक 

अहमदाबाद 

गुजरात 

  

धरु विज्ञानाची कास

सिध्द  साहित्यिक  समूह

आयोजित  उपक्रम क्र 387

काव्य प्रकार अष्टाक्षरी

विषय - धरू विज्ञानाची कास

जग झालेय प्रगत

धरू विज्ञानाची कास 

अंधःश्रध्दा दूर सारू

प्रगतीची हवी आस 

विज्ञानाने जग सारे

किती गतीशील झाले

दूर दूरचे अंतर 

क्षणी समीप ते आले

घर बसल्या भेटतो 

मैलो लांबच्या पाल्यांना

विज्ञानाने केले शक्य

सुखी आनंदी क्षणांना

 सुखावला बळीराजा 

झाली कष्टात बचत

सोपे झाले शेतीकाम

करी विज्ञान मदत

सुख मिळते जीवनी

नव नवीन शोधाने

धरू विज्ञानाची कास   

विज्ञानाच्या  सहाय्याने

वैशाली वर्तक 

अहमदाबाद 

वैशाली वर्तक 

अहमदाबाद

माझ्या च गीत पंक्ती

अभामसापसमूह2

उपक्रम 381

काव्य लेखन

विषय - माझ्याच गीत पंक्ती

       जणू आपत्य

माझ्याच गीत पंक्ती

सहज पडल्या कानी

होता गायन समारंभ

ऐकून हर्षिले मनोमनी

 

वाटले आपलेच बालक

धावत आले कुशीत 

शब्द ऐकताच माझे

आनंदले मी स्व खुशीत

 प्रेम असते स्वलिखाणावर

अपत्यासम आपुले वाटे

रस-स्वाद घेता वाचकांनी

आभिमान उरी दाटे

गुण गुणते मी  झाले

भावना दाटल्या मनी

लेखणीस विनयतेने

मनात स्मरले त्याक्षणी

वैशाली वर्तक 

अहमदाबाद

मृगजळ

 विषय - मृगजळ

  

नका करु वणवण

सुख आहे मृगजळ

 जाते  पळून दूरवर

दुःख राहते जवळ

सारे जीवन संपेल

सुख मात्र शोधण्यात

पण कधी उमजेल 

सुख आहे संतोषात

सदा पाणी समजून

मृग धावे पाण्यासाठी

 न मिळता थेंब पाणी 

निराशाच सदा पाठी

सुख दुःख  येणारच

जीवन  लपंडाव खेळ

एका नंतर एक येणार

आनंदाचा जमवा मेळ

आशेवर  भुलून न रहाता

करावे यत्न  हमखास

यश येईलच जवळ

मृगजळाचा नको भास

वैशाली वर्तक 

अहमदाबाद

गीत. जीवन कसे जगावे. ...जीवन उत्सव. व्हावे

 - जीवन कसे जगावे

मानव जन्म हा लाभला  करु सोने सर्वस्वाने

दिधले आयु ते देवाने  जगु जीवन आनंदाने   ... धृ

निशेत दडली पहाट   नसे तम सदाकाळ

का बाळगी भिती मनी  नको खंत कदाकाळ

आशेची सकाळ येता ,हो  सज्ज स्वागता हर्षाने      1

गाणे देई मना आनंद भरु सप्त स्वर मनात

होता संगीतमय जीव, व्यथा जाती दूर क्षणात

मनी राखता हे भाव,  भरे  जीवन सौख्याने         2

नदी धावे जीवन देण्या,  मग का रडत बसणे

करिते का खंत सरिता, काट्यात फुलाचे हसणे.

राहू सदा  समाधानी ,सुख येईल नित्याने           3

वैशाली वर्तक

अहमदाबाद (गुजराथ )

8141427430

भारतीय साहित्य व सांस्कृतिक मंच नाशिक आयोजित उपक्रम

विषय..जीवन उत्सव व्हावे 

इंद्रधनुष्यी  रंग सात

स्वर सात  संगीतात

सप्त वसती आरोही

अन् तेच अवरोहात

जीवन जगा सप्तसुरांत

 घेत साथ संगीताची

म्हणजे उजळे जीवन

येई मजा जगण्याची

 

येता रवी राजे नभी

ऐका सुरेल भुपाळी

होते मनही प्रसन्न 

सूर ऐकता सकाळी 

ठेवा सकारात्मक भाव

चाले सुखदुःखाचा खेळ

सुख उद्या येईल दारी

आनंदाचा जमेल मेळ

नदी धावे जीवन देण्या

मग का रडत बसणे

करिते का खंत सरिता

काट्यात फुलाचे हसणे.

ठेवा समाधान मनी 

दिधला जन्म देवाने

जीवन करा उत्सव सोहळा

जगुया  उत्साही आनंदाने

वैशाली वर्तक

अहमदाबाद