फक्त वृत्तबद्ध
मालिनी वृत्त
अक्षरे 15. 8अक्षरावर यती
लललललल गागा. गालगागाल गागा
नमनकरित आली कांक्षिणी मंडपाशी
हळुहळु पद टाके , मोदवाटे उराशी
दिवस गणित होती ,आजच्या या क्षणाची
चपळपण मनाची, लाज वाटे जनांची
उपरति तिज ठायी, दाखवेना कुणाला
पण मन अविरामी, गुंतले त्या क्षणाला .
क्षणभर तिज आता, कंठ दाटून आला.
जिवलग जिव सारे, आठवे ती सुखाला
घडि घडि मन आता, राहवेना क्षणाने
सजल नयन ओले, आसवाने मनाने
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा