मात्रा वृत्त कविता उपक्रम क्रमांक ३
१२\१०\२५
मात्रा 2-8-4=14
वृत्त उध्दव
विषय... पहाट
तम निशेचा पहा सरता
खग नभात उडती सारे.
किलबिलाट भासे सुंदर
उठ ,प्रातः झाली प्यारे
पूर्व दिशा पहा उजळली
शीत मंद वाहे वारा
सुमनांचा गंध दरवळे
शुभ वाटे परिसर सारा
घर रांगोळीने सजले
स्वर भुपाळीचे कानी
प्रातः वेळी ऐकू येते.
सुमधुर स्वरांची गाणी
आशा रुपी कळ्या फुलती
होता रवीचे आगमन
दूर दूर होई मरगळ
मनाने आनंदती जन
क्षण आनंदाचे भासे
नव आशा येती ध्यानी
रामाचा गजर अंतरी
भजन धून येते कानी
वैशाली वर्तक
कोणत्याही टिप्पण्या नाहीत:
टिप्पणी पोस्ट करा