साहित्य दर्पण कला मंच नागपूर
आयोजित काव्यलेखन उपक्रम क्रमांक ६१८
८\७\२६
विषय .. अतिवृष्टी
शीर्षक. थांब ना जरासा
***********************
असूनही आवडता
जलचर ह्या सृष्टी चा
किती रे तू माजविला
हाहाःकार पावसाचा
असा कसा तू पर्जन्या
गरजेला नसतोस
जरा सबुरीने घे ना
अती वृष्टी का करतोस
सहवेना तुझा त्रास
किती अंत पहायाचा
कसे म्हणू तुला त्राता
हाहाःकार पावसाचा
बस कर तुझा खेळ
थांब ना थोडा वेळ
तुझ्या अशा वागण्याने
कधी होई सुखी मेळ
उभे पीक शिवारात
आहे पहा डौलदार
नको आता बरसणे
ओल्या दुष्काळाचा भार
गेला संसार वाहूनी
मेहनत गेली वाया
मूर्ती पण न राहिली
कसे पडू देवा पाया
ऐक विनवणी आता
हेच एकची मागणे
संयमाने वाग जरा
करा सुखाचे जगणे
वैशाली वर्तक
अहमदाबादै
**************************
धबधबा प्रपात
**************************
आधी रिमझिम जलधारा
पसरला पाचूचा रंग हिरवा
खळ खळ वाहती नद्या नाले
जनांना आवडे ऋतु बरवा
ढोल ताशांच्या गर्जना
धुवादार बरसात
भासे फाटले आभाळ
वारा वाहे जोशात
जलाशय तुडुंब भरली सारी
दिसे टेकड्या डोंगर नितळ
दुग्ध रुपी पडे हा जल प्रपात
तर कुठे शुभ्र जलाचे ओहळ.
जल तत्व पंचत्वातील
मुक्त हस्ते वरूणाचे दान
जलचर सृष्टीची गरज
जलप्रपात निसर्ग किमया महान.
कोणत्याही टिप्पण्या नाहीत:
टिप्पणी पोस्ट करा