विषय - विषय - जा रे जा पावसा
वर्ल्ड व्हिजन पेपरात२९\९\२५
विषय - जा रे जा पावसा
किती रे बरसणार पावसा
परतीची झाली ना वेळ
बस कर तुझे पडणे
बंद कर बेभवशाचा खेळ.
बळीराजा होईल नाखुष
अती वर्षावाने आता
मेहनत जाईल वाया
नको करू कष्टी जाता जाता
सुरू झाले नवरात्र
खेळायचाय गरबा रास
तुझ्या पडण्याने पहा
मजा येत नाही खास
वेळवर न येता सदा
पळवितो तोंडचे पाणी
आता जायची वेळ झाली
जाण्यासाठी गाऊ का गाणी ?
जा रे जा पावसा आता
आवर मेघांचा पसारा
पुढल्या वर्षी भेटू तेव्हा
दाखव तुझा रंग न्यारा
झालय सर्वत्र हिरवे गार
नको अती तुझा वर्षाव
रोग राई पसरण्या आधी
बस्तान गुंडाळण्याचा कर प्रस्ताव
वैशाली वर्तक
अहमदाबाद
मनस्पर्शी पुष्प पाकळ्या व मराठी साहित्य परिषद तेलंगणा यांच्या संयुक्त विद्यमाने आंतरराष्ट्रीय काव्यलेखन स्पर्धा
दि 6/7/26
काव्यप्रकार ..अष्टाक्षरी
विषय... पाऊस
शीर्षक.. *उशीरा आल्या मृग धारा*
काळ्या रंगाच्या मेघांनी
आले भरून गगन
मृग धारा बरसता
आनंदले जन मन. 1
तृप्त झाली वसुंधरा
होता वरुणाची भेट
वृक्षवल्ली तरारल्या
अंतरंगी दिसे थेट 2
मोह कसा आवरु मी
मनी भावतो पाऊस
गंध पसरे मातीचा
भिजण्याची मनी हौस. 3
किती वर्णु मृग धारा.
शब्द पडती तोकडे
होता सुरू ऋतू वर्षा
हिरवाई चोहीकडे 4
वैशाली वर्तक
अहमदाबाद
8141427430
*****************.
फक्त वृत्तबद्ध कविता उपक्रम
8/7/26
अनलज्वाला 8-8-8-=24मात्रा
विषय पाऊस
मेघ दाटले सोसाट्याचा सुटला वारा
नकोच नुसता तो गडगडाट गगनामधुनी
या मेघांनो गर्जत बरसत वाट पाहतो
शेतकरीगण लावून नयन शेतातूनी.
वर्षा धारा सरसर झरल्या तप्त धरेवर
खुशीत येती शेतकरीगण मग मनोमनी
आनंदाने फुलून येई मन कृषिकाचे
दिवस सुगीचे दिसतील अता मला जीवनी.
तृप्त जाहली तृषित धरित्री जलधारांनी
जल शोषूनी वसुंधरेचा रंगच हिरवा
सजले डोंगर कडे कपारी राने सारी
सुंदर ऋतु तो दिसता मोहक वदती बरवा.
जलधारेने केली किमया अवनीवरती
.चोहीबाजू अवघा एकची रंग पसरला
भिजली पाने भिजली राने झाली ओली
वरती खाली सर्व दिशांना मोद विहरला.
काळे काळे जलद धावती गगनातूनी
पहा अंबरी मेघ दाटले गर्जना करी
मधेच दावी करिता चमचम नृत्य दामिनी
रिमझिम धारा सुरू जाहल्या सरीवर सरी
वैशाली वर्तक
कोणत्याही टिप्पण्या नाहीत:
टिप्पणी पोस्ट करा