जगतात जीवन सारे
पण अर्थ हवा जगण्यात
कैवल्याचा विचार करा
तर जगाल आनंदात
पुनरपि जनमम पुनरपि मरणम
हा तर मंत्रच जीवनाचा
पण मिळविण्या कैवल्य
अभ्यास करा गीता बोधाचा
श्री कृष्णाने पार्थास
रणांगणावर दिला बोध
त्यातून कळले जनांना
कसा कैवल्याचा घ्यायचा शोध
अध्यात्मिक व्याप्ती
असते कठीण काम
कैवल्या साठी तर
नाही नुसते तीर्थ धाम
ज्ञानेश्वरांची ज्ञानेश्वरी
आहे गीतेचे सार
प्राकृत भाषेत वर्णिलाय
कैवल्याचा मार्ग छोट्या ओव्या आहेत फार
: कैवल्य मिळविणे
असतेच कठीण
नको उतार वयात अपेक्षा
नाही तर मिळतो जन्म नवीन
आहे ना आजचा
किती कठीण विषय
जीवन जगता कैवल्यचा
लागेल आशय
आत्म मुक्ती साठी
हवी अध्यात्मिक जोड
कैवल्याचा मार्ग तितका
वाटतो पण नसे गोड
छान सांगितले तुम्ही
आध्यात्मिक बैठक हवी
पण प्रलोभने इतकी
की रोज नवीन नवी
: विठु कैवल्याची मूर्ती
युगे अठ्ठावीस ऊभा
.
: वाचली ज्ञानेश्वरी
भक्तांचे प्रकार
वाचता वाचता
येई मनी कैवल्याचा विचार
मोक्ष प्राप्ती म्हणजेच
मिळणे मार्ग कैवल्याचा
पण नसे तो सहज
अती काटेरी दुर्गम काट्यांचा
वृध्दकाळात विचार
कैवल्याचा मनी
जीव होतो घाबरा
काय होणार पुढच्या क्षणी
नेहमी कर्म माना देव
करूया सत्कर्म सदा
मग कैवल्याच्या मार्ग
अवघड नसे कला
करतात का खरेच
कैवल्याची अपेक्षा
बोलताना बोलतात
पुढल्या जन्मीची यापेक्षा
: षड रिपूंना टाळा
मग कैवल्य मार्ग सोपा
लोभ मत्सर हव्यास सोडा
आणि निवांत झोपा
किती लिहू कैवल्यावर
समजतच नाही
एक एक विचारांची माळ
गुंफतच राही
दर्शन घडता प्रभु रामाचे
शबरीला मिळालेजीवन
सार्थक कैवल्याचे
आनंदली मनोमनी
: कैवल्याचा मार्ग
आहेची खडतर
मन हवे समाधानी
हेच संत सांगती खरोखर
कैवल्याची गोडी
लागली जिवाला
समजावे भव सागर
पार करेल क्षणाला
वैशाली वर्तक
: विठ्ठलाने भक्तीने
धाडले पुष्पक विमान
तुकोबांच्या साठी
तोच असे कैवल्याचा मान
वैशाली वर्तक
जगा सदा समाधानी
ऐका संतांची वाणी
वैभव भासेल जीवनी
गाऊया आनंदाची गाणी
भारताचे वैभव समृद्धी
ब्रिटिश लोकांना दिसली
त्यांची साम्राज्य स्थापन
करण्याची जिज्ञासा वाढली
संसार सुरू केला
तेव्हा होती सामान्य स्थिती
कष्टाने मिळाले वैभव
अन् आता सुखवस्तू परिस्थिती
सुदामा गेला कृष्णाकडे
वैभव पाहूनडोळे दिपले
अन् आणलेले पोहे
देण्यास मन काचरले
साधे चहा विकणारे
मोदीजी पंतप्रधान
त्यांचे बौद्धिक वैभव
त्यांना यश देण्यात ठरले वरदान
वैभव समृद्धी साठी
करावी लागते मेहेनत
होतो वैभवशाली
कष्ट करिता अविरत
आपली मराठी भाषा
आहे वैभवशाली खूप
म्हणूनच ठरली अभिजात
मराठी जनांना आला हुरुप
कोणत्याही टिप्पण्या नाहीत:
टिप्पणी पोस्ट करा