*स्पर्धेसाठी*
काव्य पुष्प साहित्य मंच आयोजित
55व्या पाच दिवसीय राज्यस्तरीय अष्टाक्षरी काव्य लेखन स्पर्धा
25/7/24
विषय... कर्तव्याच्या पथावर
शीर्षक.. जाण कर्तव्याची
...........................
संपताच बालपण
येते जाण कर्तव्याची
ऋण असे पालकांचे
ठेवू ध्यानात सदाची.
समाजात वावरतो
त्याचे पण, देणेकरी
समाजोपयोगी राहू
कर्तव्याच्या पथावरी
जीवनात निरंतर
कर्तव्यांची असे रांग
निसर्गाचे संवर्धन
याला मारु नका टांग
स्वच्छ देश अभियान
मंत्र ठेवूनी ध्यानात
आत्मनिर्भरता हवी
बलशाली करण्यात
देहातून देवाकडे
जाता मधे लागे देश
देशभक्ती हवी याचा
मनी ठेवावा संदेश
अशी मौलिक कर्तव्ये
जरी वाटे खडतर
पाळावीत जीवनात
कर्तव्याच्या पथावर
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा