शब्दरजनी साहित्य मंच
काव्यांजली काव्यप्रकार
विषय ...ओल्या तनूवर
शीर्षक. आनंद जाहला
पाहता पाहता
बरसल्या मृग धारा
वाहे थंडवारा
चोहीकडे
आसुसलेली धरा
ओले थेंब प्राशिता
आसमंती दरवळिता
मृद्गंधाने
सख्या वरुणाने
ओल्या थेंबाने तनूवर
पसरविला बहर
हिरवाईचा
जाहली किमया
पलटली सारी काया
जलधाराची माया
वसुधेवर
बळीराजा हर्षभरे
उंचावून पाही नभाकडे
क्षणात शिवाराकडे
आनंदाने
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा