परंपरा
जुन्या चालीरीती रिवाज
पुढे चालवणे ही परंपरा
जतन करणे संस्कृती ला
हीच शिकवण मनी धरा. १
रुढी चालीरीती परंपरांचे
करतोय आपण जतन
भारतीय संस्कृती आपुली
आहे अति पुरातन. २
साजरे करितो सणवार उत्सव
दिसते तयातून रूढी परंपरा
उत्सवातून दिसे समाजप्रेम
समतेची ध्वजा हाती धरा. ३
किती वर्णावी परंपरेची गाथा
येथेच जन्मले संत, वीर महान
अन् अंतराळात जाणारे शास्त्रज्ञ
काय सांगावी परंपरेशची शान. ४
अशी महान परंपरा भारतीय
असावा मनी सदा अभिमान
साहित्य , कला, क्रिडा ,संगीतात
एक एक चमकते तारे महान. ५
जुन्या रिती रिवाजात
सामाजिक करुन बदल
नव्या रितींचे अनुसरण केले
हे घडले ते ही नवल. ६
सण वार पारंपारिक
होतात देशभर साजरे
होता संस्कार संस्कृतीचे जतन
दिसती सर्वत्र चेहरे हासरे. ७
लाभलाय आपल्याला
भक्ती रस साहित्याचा
संत वाणीचा वारसा
तोची अमुल्य ठेवा परंपरेचा. ८
कोणत्याही टिप्पण्या नाहीत:
टिप्पणी पोस्ट करा