उपक्रम
विषय -- माझ्या आवडीचा कोपरा
आवडीचा कोपरा असे
मागच्या अंगणातील खूर्ची
जिथे बसता मजला मिळे
विचारांची सदा स्फूर्ती
रोपे दिसती हिरवी छान
पाने भासे टाळ्या वाजविती
वा-यासंगे हलून हासती
भासती मजलाच बोलाविती
मधूनच खारुताई धावूनी
लक्ष माझे वेधून घेई
उगाच हलवे शेपटी
स्वतःचे आस्तित्व दावून जाई
थंड वा-याची येई झुळुक
करी मनाला प्रफुल्लित
येती विचार मनात माझ्या
जे करीती लिखाणास उत्तेजित
अशा निर्मळ वातावरणी
गुणगुणे हळुच डांस कानी
भुणभुण त्याची असता चालू
दुर्लक्षित करते मोठ्या मनानी
वैशाली वर्तक
येथे ऑक्टोबर ०९, २०२० कोणत्याही
कोणत्याही टिप्पण्या नाहीत:
टिप्पणी पोस्ट करा