सावली प्रकाशन समुह
विषय -- नववर्षाचा संकल्प
* *संकल्प*
करु स्वागत नव्या वर्षाचे
हर्ष उल्हासाच्या जल्लोषात
उगवतीचा भास्कर देई रोज
नव्या आशा अन् दिशा जीवनात
पर्यावरणाची घेऊ काळजी
देऊया लक्ष वृक्षा रोपणी
वसुंधरेची वाढवण्या शान
करु नवे संकल्प जीवनी
जागवुया मानवता मनातूनी
माणुसकी हाच धर्म खरा
विसरुनी भेदभाव सारे
संकल्पाने वाहेल झरा
संकल्प नारी सन्मानाचा
भृणहत्या नकोची कदा
स्त्री शिक्षणावर देऊ भार
प्रगतीशील होवो देश सदा
वैशाली वर्तक
*नव वर्ष मनी. हर्ष*
अष्टाक्षरी
नव वर्ष मनी हर्ष
आतुरता स्वागताची
चालू वर्ष संपताच
दिसे उत्कंठा नव्याची
गोड कटु आठवणी
संकलन त्यांचे मनी
सय सरल्या काळाची
येती नजरेला क्षणी
झाल्या चुकां सुधारूनी
नको त्यांची उजळणी
ध्यानी घेऊया नव्याने
शाळा अनुभवी मनी
देऊ निरोप वर्षाला
नव्या हर्ष ऊल्हासाने
नव वर्ष स्वागताला
उत्साहाच्या अत्तराने
करु नवीन संकल्प
वाहो उत्साहाचे वारे
आत्म निर्भर बनूया
सुखी सदा राहू सारे
नको कटु आठवणी
होवो सुखे सुरुवात
सुख येवो नव वर्षी
आनंदाची बरसात
करु स्वागत नव्याचे
मोद मिळो या वर्षात
सारे जन जगातील
राहो सदाची हर्षात
नको नवे संकल्प नको नव्या योजना
मनमुराद जग तू आता रे माझ्या मना
जीवन जगलास औताच्या बैला सारखा
कर्तव्यपूर्तीत झालास स्वच्छंदास पारखा
नको आशा अपेक्षा नको पोचपावती
घाल गवसणी जगातास मनाजोगती
करोनी शुभारंभ आजच्याच सुदिनी
नववर्षही जाईल आनंदूनी मनोमनी
✍️ उल्का मानकर
1.1.24/12.29
येता नवे वर्ष येती नवीन कल्पना
काही विशेष करावी ह्याची संकल्पना
जनांना बरे सुचतात तर्क वितर्क
आजवर मला आलाच नाही हा तर्क
केले विचार ,मनी करण्या शुभारंभ
येईल का पूर्णत्वास नव कार्यारंभ
आधीच मिळत नाही जीवास उसंत
न होता पूर्ण संकल्पना मनाला खंत
ठेवले अनंते तैसेची जगावे मस्त
नवं वर्ष येणार पुढे जगा बिनधास्त
नवे वर्ष येता , नवीन कल्पना
विशेष करूया, ह्याची संकल्पना
कोणाच्या मनात, गायन शिकावे
बरे सुचतात , जनांना वितर्क .
कोणाचे संकल्प, वाचन करणे
मला आजवर , सुचले न तर्क
आधीच मिळेना, कधी तो निवांत
पूर्णत्वात कशी, मिळेल उसंत
उगा विचारांचे , लागे सदा घोर
पूर्तता करण्या , मानसिक खंत
वैशाली वर्तक
!
कोणत्याही टिप्पण्या नाहीत:
टिप्पणी पोस्ट करा