2..3..2..1 काव्यांजली
जीवन
मानव जन्माचे
करुया सदा सार्थक
नको निरर्थक
कदापी
जीवनात असे
सदा ऊषा निशा
नको निराशा
मनी
सरीता पहा
करिते कधी खंत
नसे उसंत
तिजला
गुलाबाचे जीवन
जरी असते काट्यात
सुख वाटण्यात
सदाकाळ
जडावावा छंद
जीवनी एखादा मनाला
मोद तनाला
होतअसे
आला पहा
आनंदाचा उत्साहाचा क्षण
समजा सण
सदासाठी
भरलेला आनंद
आहे सा-या जगती
पहा सभोवती
शोधुनीया
फुलात पानात
निसर्गाने भरला मोद
मनाचा शोध
करावा
वैशाली वर्तक
भारतीय कोल्हापूर मंच
उपक्रम क्रमांक २०२
दि १५\५\२४
विषय. शोध
शोध घेण्याची
असावी ईच्छा प्रबळ
हवे मनोबळ
जीवनभर
घेण्या शोध
बुध्दीला द्यावा जोर
नसावे कामचोर
कदापी
शोधक बुध्दीने
नसे शांती जीवाला
शास्त्रज्ञांच्या मनाला
सदाकाळ
तज्ञांच्या मनात
प्रश्न पडतील अनेक
उलगडती एकेक
विचाराने
सदा विचारवंताची
बुध्दी असे शोधक
खरेची बोधक
जगताला.
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा