माता 3/5/2018
जिच्या जीवावर उजळे जीवन
जन्मदायिनी असे माता महान
माया-ममतेचा ती असे सागर
पहिल्या गुरुचा तिजलाच मान
आई नंतर हीचे च स्थान
जिच्या अंतरी वसे देव-सहस्त्र
माते समान पोषिते जीवास
गोमाता" म्हणून पूजती सर्वत्र
गोमाता" म्हणून पूजती सर्वत्र
धावत येते कडे-कपारीतून
जीवन देते सर्व जीव -सृष्टीला
कधी संथ,तर कधी खळाळून
माता म्हणूनी पुजीती सरितेला
माता म्हणूनी पुजीती सरितेला
अन्न,वस्त्र ,निवारा देते आपणास
जिच्या हृदयी भरली खाण
तिचेच पायिक आपण सर्व काळ
अवनी असशी माते समान
असे आपणास प्रिय प्राणाहूनी
माते सम सन्मानित जन्मभूमी
माते सम सन्मानित जन्मभूमी
तिजसाठी केले बलिदान वीरांनी
स्वर्गाहूनी प्रिय मम मातृ-भूमी
.......वैशाली वर्तक
स्वर्गाहूनी प्रिय मम मातृ-भूमी
.......वैशाली वर्तक
कोणत्याही टिप्पण्या नाहीत:
टिप्पणी पोस्ट करा