सहाक्षरी....क्षण निसटले काळ चालला पुढे

स्वराज्य लेखणी मंच

आयोजित

सहाक्षरी काव्यलेखन

विषय ..  क्षण निसटले

  *काळ चलला पुढे*

सारखा चालला

पुढे पुढे काळ. 

 नसेल पुनश्च 

 आजची सकाळ

आजचा दिवस 

उपभोगा क्षणी

गेलेल्या क्षणाचे

दुःख नको मनी.

क्षण निसटती

 रंक  असो राजा 

येत नाही पुन्हा

नको गाजावाजा          

जीवनाचा मोद

वेळीच लुटूया

असलेला क्षण

आनंदी करूया

क्षण निसटता

आनंदाची वेळ

न जाणो पुनश्च

जमेल का मेळ

वाळू निसटते

जशी हातातून

काळही सरतो

क्षणा क्षणातून

काल आज उद्या

टप्पे जीवनाचे

पुन्हा परतून

न कधी येण्याचे

आजचा दिवस  

असे सोनियाचा

 कालचा उद्याचा

नको विचारांचा 

वैशाली वर्तक

अहमदाबाद

रोही पंचाक्षरी भास मनाचा

यारिया साहित्य  कला

रोही पंचाक्षरी

स्पर्धेसाठी

*भास मनाचा**

 शीर्षक-  *भास*

काय करावे

मन गुंतावे

या भासाने ते

किती छळावे

दिसे स्वप्नात

वसे मनात

पहावे  तर

नसे सत्यात

सदा चिंतन

मनी मंथन

कसे शमेल

अस्थिर मन

वेड जीवाला

छळे मनाला

काय करावे

अशा वेडाला

सोड हा ध्यास

न उरे भास

उगा विचार 

नको मनास

उभे ठाकले

डोळा देखले

भास मनाचा

आता नुरले

वैशाली वर्तक

कलेचे जीवनी महत्त्व

माझी  लेखणी काव्या नगरी मंच

विषय - कलेचे जीवनी महत्त्व 

       *होऊ कलावंत*

एक कला तरी हवी

जीवनात अवगत

घ्यावी शिकून एखादी

व्हावे त्यात पारंगत

कला आहे महत्त्वाची 

 वाढवीते व्यक्तीमत्व

 देते मना विरंगुळा

चार लोकात प्रभुत्व 

चित्र , नाट्य अभिनय

खूप  करावे लेखन

कला शिकावी एखादी

असो वादन गायन

कुठलीही कला देते

समाजात नाव मान

वाढे सहज ओळख

जगी मिळतो सन्मान

  करी मोठे कलाकार 

मेहनत  अतोनात

 यश पडता पदरी

कलावंत   जीवनात

जाणा महत्त्व  कलेचे

करा   स्वतःला यशस्वी 

मिळवण्या मोद खरा

 मिळे आनंद मनस्वी

वैशाली वर्तक 

अहमदाबाद

किलबिल

अ .भारतीय म हा प मध्य मुंबई समूह क्रमांक २

उपक्रम क्रमांक २९१

अष्टाक्षरी काव्यलेखन

विषय ..किलबिल

  शीर्षक..चिवचिवाट 

सोनसळी किरणांची. 

झाली  सुंदर पहाट 

सुरू झाली किलबिल

गोड तो किलबिलाट .

होता झुंजूमुंजू पहा

 करी पक्षी कलरव

पाना पानातून  ऐका

अलवार त्यांचा रव

दाणे टिपण्या निघती

पक्षी पक्षीण नेमाने

पिले साद  ती घालती 

रोज सकाळी प्रेमाने 

उष‌काल  मनोहर

थंड मंद वाहे वारा

किती सुंदर दृश्य ते

पहा निसर्ग पसारा

 

 कोण सांगते खगांना

 चला उठा झाली ऊषा

  करूनिया किलबिल

 दावी, पहा  पूर्व दिशा   .             

वैशाली वर्तक

अहमदाबाद

अभंग मीरा/ सहाक्षरी /अष्टाक्षरी...मीरा...होते जिवाला काहिली

मीरा

मीरेचा गोपाल । 

वसे तो अंतरी  । 

मनाच्या मंदीरी । 

सर्व काळ  ।।                   1

हरी नाम गोडी । 

तिला बालपणी  । 

स्मरे तेच मनी । 

अविरत   ।।                       2

भजनी रंगूनी। 

सदा मीरा दंग। 

राही कृष्णा संग ।  

मनोमनी ।।                        3

मुखी सदा नाम । 

 एकची अधरी । 

बोलली  श्रीहरी । 

 नित्यनेमे  ।।                    4

 होई कृष्णमय । 

करिता साधना  । 

करी उपासना । 

श्रीहरीची  ।।               5

जळी स्थळी दिसे । 

 तीज एक मात्र  । 

कृष्णची सर्वत्र  । 

घनश्याम  ।।                 6

श्रीहरीची  पदे । 

मीराने रचली  । 

सकले गायली  ।  

प्रेमभावे    ।।                 7

 विष प्राशियता । 

 कोण तिज मारी ।   

 वसे  गिरीधारी   । 

अंतरंगी ।।                       8

            

कृष्णाच्या भक्तीत । 

आत्माचे अर्पण । 

 प्राण समर्पण । 

करियले    ।।                    9

सहाक्षरी

यारिया साहित्य कला समूह

विषय- एक होती मीरा

मीरेचा गोपाल

वसे तो अंतरी

तया वीण तिचा

दुजा नसे हरी

मुखी सदा नाम

एकच अधरी

गोपाळाची भक्ती

घेतली पदरी

 जळी स्थळी मीरा

 गोपालच पाही

कृष्णाच्या भक्तीत

सदा लीन राही

विष पण प्याली

 राजा तो गिरधारी

अंतरंगी वसे

कोण तिला मारी

नको तिला धन

मोतियांच्या सरी

 भजनात रंगे

 कृष्ण  राहे उरी

 सारे जन सांगे

झाली प्रेम वेडी

कृष्ण नामे तिने

बांधियली बेडी

एक होती मीरा

भक्तीत  जाणिली

दुजी राधाकृष्ण

नामे ओळखिली

वैशाली वर्तक

अष्टाक्षरी

*होते जिवाला काहिली*

वेड लागले  मीरेला

 पाही जळी स्थळी हरी 

दुजा कोणी  नको तिज

कृष्ण नावच अधरी

नको तिजलासंपदा

 गळा मोतीयांच्या सरी

 भक्ती भजनात रंगे

 गिरीधर  राहे उरी

मनी भक्ती श्रीहरीची

होई जिवाची काहिली

हरी नाम सदा ओठी

गीते हरीची रचिली

हरी नामे विष प्याली

  मनी राजा गिरधारी

तोची वसे अंतरंगी

मग कोण तिज मारी

एक अशी होती मीरा

जिला भक्तीत जाणिली

दुजी होती राधाकृष्ण

नामे जगी ओळखली

अभंग विरक्ती

कल्याण डोंबिवली महानगर 2

आयोजित

उपक्रम

अभंग लेखन

विषय... विरक्ती 

बोलायला सोपे  ! नसावी आसक्ती !

मनाची विरक्ती.  !  अवघड !

जन्मतः गुंतलो !  संसार सुखात !

आसक्ती मनात! सदाकाळ !

 मनी रूजवावी !   आध्यात्मिक गोडी  !  

  वैचारांची जोडी!     जुळतसे !

मनात रुजता  ! अध्यात्म विचार !

सहज साकार ! मनोभाव !

संसारिक  सुख! घरदार पैसा  !

मोह त्याचा ऐसा!   सुटेचिना !

पोरं लेकी बाळी ! पणतुंचे मुख !

पहाण्यात सुख !  मनीअसे.   !

अशी मनावस्था ! असता  अपार !

विरक्ती विचार. ! येई कैसा !

 वैशाली वर्तक

अहमदाबाद

आत्मविश्वास

कमलविश्व राज्यस्तर स्पर्धा साहित्य समूह

आयोजित नोव्हेंबर २०२२

मासिक भव्य राज्यस्तरीय काव्यलेखन स्पर्धा

विषय... आत्मविश्वास

शीर्षक.  *यशाची गुरुकिल्ली*

जीवनात महत्वाचा

ठरतो आत्मविश्वास

ज्याच्या बळावर यश

येते पदरी , हेच खास

बालपणी रूजवावा

मनातूनी *आत्मविश्वास* 

देत शिकवण मनाला

धरण्यास यशाचा ध्यास

करिता पराकाष्ठा प्रयत्नांची

आत्मविश्वास  येतोच मनी

 काम पूर्ण करीनच, अन् 

काम फत्ते होते त्याक्षणी.

गाठले एव्हरेस्ट शिखर 

मिळाली यशाला चाहुल

आत्म विश्वासाच्या बळावर

तेनसिंगने उचलले पाऊल.

असता आत्मविश्वास मनी

संचारते हत्तीचे मनात बळ

येवोत कितीही संकटे

मिळते उज्वल यशाचे फळ.

वैशाली वर्तक

अहमदाबाद

वरतीच कविता नाव बदलून

लालित्य नक्षत्र वेल समूह

आयोजित

विशेष उपक्रम 

विषय....निश्चितच

शीर्षक.  *यशाची गुरुकिल्ली*

जीवनात महत्वाचा

ठरतो आत्मविश्वास

ज्याच्या बळावर यश

येते पदरी , हेच खास

  

निश्चितता म्हणजेच

मनातून आत्मविश्वास 

महत्वाचा ठरे जीवनी

धरण्यास यशाचा ध्यास

  देते प्रयत्नांची पराकाष्ठा

आत्मविश्वास  निश्चितता मनी

 काम पूर्ण करीनच, अन् 

काम पण फत्ते होते त्याक्षणी.

गाठले एव्हरेस्ट शिखर 

मिळाली यशाला चाहुल

आत्म विश्वासाच्या बळावर

तेनसिंगने उचलले पाऊल.

असता निश्चितता मनी

संचारते हत्तीचे मनात बळ

येवोत कितीही संकटे

मिळते उज्वल यशाचे फळ.

वैशाली वर्तक

अहमदाबाद