#कविता_लेखन_स्पर्धा
आसरा , मोहक चैतन्य अथांग शब्द वापरून स्वरचित कविता
दिलेल्या शब्दांना वापरून स्वरचित कविता
दि १६\२\२५
*प्रतिबिंब*
दिसे क्षणात स्वरूप
पाहताच आरशात
जसे आहे तसे दिसे
न घडे बदल रूपात
निरखून पहावया
स्वतःचे सौंदर्य नारीला
शोधक नजर आरशाकडे
सहजची जाई त्या घडीला
निहाळता आरशात
रुप स्वतःचे *मोहक*
चैतन्य संचारे मनी
भासे चित्ताला वेधक
सत्य वचनी *आरसा*
दावी बाह्यची रूपाला
पण डोकवा अंतरी
जाणा त्या अंतर्मनाला
निराकार तो आरसा
पहा असतो मनाचा
दावी सदा गुणदोष
आपुल्या अंतरंगाचा
जरी समुद्र *अथांग*
न दिसे प्रतिबिंब त्यात
पाहून लाटांना मात्र
*चैतन्य* उर्मी येती क्षणात
वैशाली वर्तक
अहमदाबाद
8141427430
कोणत्याही टिप्पण्या नाहीत:
टिप्पणी पोस्ट करा