शोध अस्तित्वाचा साहित्य मंडळ आयोजित
5 कुठे शोधु विठुराया* अष्टाक्षरी
कोठे शोधू विठूराया
तुझ्या नाम स्मरणाचा
मना लागलासे छंद
भासे भक्तीतच शक्ती
लाभे आगळा आनंद
सदा तव नाम ओठी
तूची श्वास अंतरीचा
कुठे शोधू विठू राया
ध्यास तुझ्याची भेटीचा
ध्यानी मनी स्वप्नी मज
तूच दिसे सदाकाळ
विठू तुझ्या स्वरुपाने
झाली सुखद सकाळ.
.मुखी घेता तव नाम
विसरते देहभान
कुठे शोधु विठूराया
गाते तव गुणगान
नाम स्मरणात असे
अनामिक दृढ शक्ती
नका शोधू विठुराया
करा मनोभावे भक्ती
रूप वसले लोचनी
भासे कृपेची साऊली
युगे अठ्ठावीस ऊभा
माझी विठ्ठल माऊली
येता वारी पंढरीला..
झाली घाई दर्शनाची
पाहियली हरी मूर्ती.
काढा दृष्ट विठ्ठलाची
वैशाली अविनाश वर्तक
अहमदाबाद
शब्दरजनी साहित्य समूह
आयोजित
अष्टाक्षरी काव्यलेखन
6विषय ...मनी विठ्ठलाचा नाद
शीर्षक...भेटीसाठी आतुर
येता जवळ आषाढ
ध्यानी मनी विठुराया
जाऊ चला पंढरीला
देई तो प्रेमाची छाया
मनी रंगविले स्वप्न
माऊलींच्या भेटीसाठी
नाही तमा पावसाची
विठु आहे सदापाठी
गजरात सदा दंग
जयघोष विठ्ठलाचा
मिळे परम आनंद
श्रीहरीच्या भजनाचा
एक पाही दुसऱ्यात
दिसे विठ्ठलाची मूर्ती
असा समतेचा भाव
अशी वारीची ही किर्ती
लागे भक्तांनाही ध्यास
*मनी विठ्ठलाचा नाद*
मन भक्तीत रंगता
मिळे तसा प्रतिसाद
नाचू गाऊ होऊ दंग
दुम दुमेल पंढरी
डोळाभर दर्शनाने
झाले संतृप्त अंतरी
वैशाली वर्तक
अहमदाबाद
सिध्द साहित्यिक समूह
आयोजित उपक्रम क्रमांक ४४६
विषय -विठू नामाचा गजर . विठू नामाचा गजर
अष्टाक्षरी
*हरी नामाचा गजर*
वारी निघाली पंढरी
विठु नाम ओठावरी
हरी भक्तीत न्हाहती
वारकरी निरंतरी
जय हरी विठ्ठलाचा
एकादशी आषाढीला
नाम गजर करिता
चला जाऊ पंढरीला
विठ्ठलाच्या गजरात
वारकरी होती गोळा
घेता दर्शन विठुचे
वाहे आनंदाश्रू डोळा
नाम स्मरणात असे
अनामिक दृढ शक्ती
दूर होती भवताप
करा मनोभावे भक्ती
झेंडा रोवतील तीरी
हरी नाम गजरात
दुम दुमेल पंढरी
विठ्ठलाच्या भजनात
वैशाली वर्तक
अहमदाबाद
तव नामाचा महिमा
जाणियला सदरासाठी
दिसे तू मज अंतरी
उभा राही माझ्या पाठी
घेता नाम रात्रंदिन
लागे अंतरीचा दिवा
तुझ्या नामाचा गोडवा
वेड लावी सदा जीवा
करी दुःख सारे दूर
विठू नामाचा गजर
देई मनाला आनंद
पडे दुःखाचा विसर
विठू नामाचा गजर
चाले सदा वाळंवंटी
उभा पहा पांडुरंग
कर ठेवोनिया कटी
पाहियला पांडुरंग
नित्य नाम घेता मुखी
होता नामाचा गजर
सारं जन होते सुखी
&&&&&&&&&&&&&&&&&&&&&&&&&&&&&&
###रूप सावळे सुंदर
*माझा विठुराया*
माझ्या विठ्ठलाचे पहा
रुप सावळे सुंदर
भान माझे हरपते
वाटे पाहू निरंतर 1
भाळी उटी चंदनाची
गळा तुळशीच्या माळा
कर कटी वरी शोभे
दाटे पाहता उमाळा 2
कानी कुंडले शोभती
मुख भासे ते सुंदर
कटी शोभे पितांबर
मना भासे मनोहर 3
रुप तुझे आवडीचे
सदा नयनी ठसते
डोळा भरुनी सदैव
चित्तातून मी पाहते 4
*रुप सावळे सुंदर*
आता दाखवा चरण
कधी देशील दर्शन
आले तुजला शरण 5
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा