किती फूले उमलली
सुगंधित चोहीकडे
पहा तयांचे सौंदर्य
वाटे पाहू कोणा कडे
उमलला हा गुलाब
दश दिशा झाल्या धुंद
परिमल पसरला
वायु संगे मंद मंद
कसा मोहक फूलला
बट मोगरा लाजूनी
कळ्या हळूच डोकावी
पाने पहाती हासूनी
गर्द झेंडूच्या पाकळ्या
पीत सोनेरी रंगात
उजळणी होई पाठ
गंध पसरे क्षणात
फूले निसर्ग किमया
निसर्गाची कृपादृष्टी
किती पाहू , किती वर्णू
किती रम्य आहे सृष्टी
वैशाली वर्तक
कोणत्याही टिप्पण्या नाहीत:
टिप्पणी पोस्ट करा