सर्व धर्म समभाव साहित्य मंच
उपक्रम
काव्य लेखन
विषय - निसर्गाचे दान
चराचरात असे देव
निसर्गाने दिले दान
पहा किती अनमोल
ठेवू सदा तयाची जाण
सूर्य चंद्र तारे नभी
नभांगणीचे असे दान
निळ्या निसर्गाची जादु
ऋतुचक्राने येते भान
नदी डोंगर कड्यातून
येते खळखळ वाहत
देते जल प्राणीमात्रास
जीवन देण्या अविरत
वृक्ष लता वेली देती
अन्न वस्र निवारा छाया
वरदान रुपी असती
करीती सदैव माया
अथांग जलाशय सागर
करी जलद देण्या जीवन
मोती रत्ने माणिक उदरी
रत्नाकराचे ऋण जाणा मनी
असे दान रूपी निसर्ग
किती असती उपकार
निसर्गात पहा देव
असे जीवनाचा आधार
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा