मोहरली लेखणी साहित्य समूह आयोजित
उपक्रम क्रमांक 1615
29/8/26
चित्र काव्य
*निवांताच्या गप्पा*
उभ्या दोघी शेजारणी
गप्पा कधीच्या रंगल्या
आटपले का काम सारे
दोधी चौकशीत दंगल्या
मिळे आनंद गप्पात
दोघी पहा समाधानी
हास्य विलसते गाली
न थकती गाता गाणी
आयुष्याच्या सांजवेळी
करी कौतुक पोरांचे
भाग्यवान आपण ग
स्मरण करीती देवाचे.
घेत आधार भिंतीचा
चाले सुखदुःखी बाता
संपणार नाही कधी
उद्या करूयात आता.
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा