ऋण जन्माचे न फिटण्याचे
घेता जन्म मानवाने
नाते जडते कुटुंबाशी
माता पिता कुटुंब जन
मातृभूमी मातृभाषेशी
ऋणी मी पण सा-यांचा
देणे लागतो गुरु जनांचे
माता पितांनी केले मोठे
सारे श्रेय कुटुंबियांचे
समाजाचे पण असती ऋण
ज्या लोकांत वावरलो
समाजाच्या गरजा पुरविण्या
त्यांचा मी ऋणी लागतो
मातृभूमी कुशीत जियेच्या
वाढलो घडलो कर्तृत्ववान
राहणार सदैव ऋणी तीयेचे
पूर्ण करू स्वच्छतेचे अभियान
फेडणे असेची अशक्य
ऋण माता पिताचे मजवर
ईश्वराने दिधला मानव जन्म
ऋण तयाचे. जन्मभर
वैशाली वर्तक
अहमदाबाद
विषय मायबाप
काव्यप्रकार अष्टाक्षरी
*जीवनाचे शिल्पकार*
देवा सम मायबाप
जीवनाचे शिल्पकार
घेती अतोनात कष्ट
देण्या जीवना आकार
मायबाप दोघे गुरू
दोघांचेही योगदान
त्यांचे कर्तृत्व महान
द्यावा नित्य नेमे मान.
ऋण आईवडिलांचे
फिटणार कधी नाही
कसे घडवू पाल्यांना
हीच चिंता मनी राही.
मनी तयांच्या एकच
असे उत्कर्षाचा ध्यास
पाल्य व्हावेत शिकून
कली-युगातील व्यास.
घाम गाळूनी श्रमाने
कष्ट साही अहोरात्र
मुखावरी न दाखवी
मायबाप एकमात्र.
दु:ख झेली घरासाठी
राहो कुटुंब सुखात
हाच मंत्र ध्यानी मनी
विठु गजर मुखात.
कलाकार संबोधती
प्रेक्षकांना मायबाप
कला गुण प्रसंशिता
देती कौतुकाची थाप
तुकोबांचे विठुराया
वसे सदैव अंतरी
तेची माझे मायबाप
अन् माहेर पंढरी
वैशाली वर्तक
अहमदाबाद
जीवनाचे शिल्पकार
कोणत्याही टिप्पण्या नाहीत:
टिप्पणी पोस्ट करा