निशु शब्दिका आस मनीची

आस मनीची
निशु शब्दिका

विठुराया सावळा
तुलसी माळा
भक्ती भावाचा
सदा दाटे उमाळा

नाम  तयाचे घेता
जीवा विसावा
लागे जिव्हाळा
नामात ची गोडवा

उठता नि बसता
स्मरू तुजला
तुझीच सेवा
ही तारण्या मजला

राहो सदाची  मुखी
तुझेच  नाम
प्रसन्न करी
असावे कर्म काम

पाहता रुप तुझे
वाटे आनंद
जीवा लागला
तव दर्शन  छंद

हेची मागणे विठू
दावा चरण
विनंती तुज
आले तुजशी शरण

वैशाली वर्तक