माझी लेखणी अष्टाक्षरी मंच
आठवण
विषय --आठवण
रम्य जुन्या दिवसांची
आहे मज आठवण
जेथे भेटलो आपण
केली मनी साठवण
किती केलेस नखरे
कधी नसे वेळेवर
मात्र मी असे उभाची
तुझ्या भावा बरोबर
हात तुझा माझ्या हाती
दिली वचने जोडीने
पहा हसली सुमने
पाहुनीया ती प्रीतीने
आज आलो तेथे दोघे
चंद्र पहा हासला
आठवून तीच रात
वृक्ष फुलानी बहरला
अशी भेट स्मरणात
कसे होई विस्मरण
तुझ्या माझ्या मनातली
राही सदा आठवण
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा