यारिया साहित्य कला
आयोजित काव्य लेखन उपक्रम
विषय- धुंद वारा
आला धुंद गंधित वारा
हळुच स्पर्शे तन मनाला
गेले मन ही वाहत तया संगे
आठवणीत त्या माहेराला
फूललेली ती रातराणी
गंध तिचा आला मनोमनी
धुंद वा-याने जाग्या केल्या
बालपणीच्या त्या आठवणी
फिरले धुंद वा- याच्या-सवे
नदी काठच्या मंदिरात
ऐकले मंद स्वर एकतारीचे
सहज मन रमले भजनात
धुंद वारा कानी कुजबुजला
पहा खेळ शशी तारिकांचा
लुकलुकत हसती नभी चांदण्या
वा-या संगे खेळ रमला रात्रीचा
सुखावून गेला क्षणभर
धुंद वारा माझ्या मनाला
किती सुंदर पहा निसर्ग
देतो आनंद सा-या जगाला
............वैशाली वर्तक
कोणत्याही टिप्पण्या नाहीत:
टिप्पणी पोस्ट करा