चित्र काव्य
स्पर्धेसाठी
शीर्षक --जलधारा
घर कौलारु खेड्यातील
पहा शाकारले किती सुंदर
वेगळेच आकर्षण तयाचे
भासे नयनी चित्र मनोहर.
मेघांनी भरलेले अंबर
कोसळती झर-झर धारा
चिंब भिजल्या वृक्ष वेली
झाली हिरवीगार वसुंधरा
ओधळता मोतीयांच्या सरी
मृदगंध पसरला दरवळूनी
तृप्त भिजल्या वेली अलवार
वृक्षांना गेल्या त्या बिलगुनी
जलधारांना झेलत नाचे रमणी
झाले प्रसन्न तियेचे तन-मन
पसरवूनी अपुल्या दोन्ही करांना
देते असे पावसास आलिंगन
अशा अल्हाददायी समयी
आठव येते सखयाची मनी
काहूर जमे आठवणींचे
धावत यावे तयाने या क्षणी.
वैशाली वर्तक
कोणत्याही टिप्पण्या नाहीत:
टिप्पणी पोस्ट करा