सिध्द साहित्यिका समूह
उपक्रम अष्टाक्षरी
**माझ्या मनाचे उन्हाळे**
जरी मानिले जीवन
खेळ हा सुख दुःखाचा
पण राहिला सदाची
ग्रीष्म हा सदाकाळचा
नाही उरला ओलावा
उसवले प्रेम धागे
झाले नकोसे जीवन
अर्थ हीन जीणे मागे
दिसण्यास एकत्रित
लवलेश न प्रेमाचा
ओढ नुरली मायेची
अर्थ नसे जीवनाचा
आस धरेला मृगाची
तृष्णा ती जलधारांची
संपलेल्या ओलाव्यास
ध्यास जल वर्षावाची
अपेक्षांची झाली राख
नाही सुखाचे शिंपण
**माझ्या मनाचे उन्हाळे**
निराशेचे ते लिंपण
.........वैशाली वर्तक.
कोणत्याही टिप्पण्या नाहीत:
टिप्पणी पोस्ट करा